Popular Bible Verses from ESAY 40

Share

Á hã egre ne je ma de gayre no, day se coɓ je maga egre ɓe hoo go mono.

Weere maga wo de naa jõõre gay wo go, hrag wo see go, weere ma jõõre leʼ wo gesiŋ ama jar maga gor wo doo Manwur fer wo daʼ egre, fer wo pudgi doo gebeg wo nono. Á hoo wo ɗeere day saara gay gà á hoo wo seele day see ɓaara hrag ra go gà.

Ndo bay de daʼ wer ne hẽn wa yawla? Ndo bay de laage ɓe wa yawla? Á diŋ Baa ma tum no, diŋ Manwur maga joŋ jag sir tawge go krub ɓuy mono. Á gay gà lay, see ɓe hrag gà lay. Jobo daʼ wer go ne ɗiggi ɓe gà.

Jobo le de ngar jag ga : Ɓoʼ we faage ne Manwur ti puuli, kneʼ blam faage ne Baa naa ti laale no.

Fíi hig go, fuɗgi lwaɗ go, ama wããre mani Baa naa joŋ ge mbe yaŋ wo tum sag sage.

Mo so no togoɗge mani Manwurn naa ge nen yaŋ go day nen jar téebeere kon wo yaŋ jag taʼ boŋ ɓuy werga jag Manwur hay wããn go.

Daga log ma honla ɓuy mo tos wo go, húulì ma honla ɓuy de wel húulì ma honla ɓuy mo ham wo go gesiŋ! Daga ngel ma de farge ciŋ mo kol wo go diŋ ngel ma gesiŋ wo, fẽẽre ma de gẽẽre daŋ kããra ciŋn mo kol wo go diŋ log wo!

Á koɗ ge horog mani ɓen wo doo je koɗge nono, á tay ge weere sããren wo yaŋ le de doo ɓe, day hoo ge ra yaŋ jag jiili ɓe. Á see ge yaŋ pel mansããre ma de weere wern wo.

Hoo we nen ɓay ciŋ ni nday ko we ɗala, wose joŋ fẽẽre sen wo mo la? Á diŋ je maga naa nen ɓaara le go ɓuy mono. Á ɗe ra go ɓuy de ɗúu ɓaara wer kluu ɓe ma debaŋn wo de egre ɓe ma de daŋge no, mopo yõõ ti ɓe go boŋ gà hase.

Á diŋ je maga go ciŋ ti tamsir ma delel maga jar ma ɓil ɓen wo doo maapoɗ wo no mono. Á blar ngel ma ciŋ go doo õõbe nono, blarn go doo tiŋ õõbe ɓen nono maga se koln go diŋ ngel hayle ɓe.

Bag we wããre ne jar Jerusalem wo, wii we ra go jag ciŋ kloŋ ga joŋre bon ɓaaran taw we go, ga à fug ɓil we go ne hara ti ɓlagge ɓaara no, ga Manwur poɗn we go ti re ma ti ɓaaran wo ɓuy so.

Gẽẽge po wãã ga : Ngar jage! Day à raw ferge ga : Ndi ngar ge jag nà gahãyla? Wãã ga : Je táabay ɓuy doo fíi nono, woore ɓen doo fuɗgi ma ɓil pay wo nono. Fíi hig go, fuɗgin lwaɗ go werga Manwur fug egre ne hẽn ti. Kidolgi jarn wo diŋ fíi.

Á mo nà diŋ Waŋkluu ɓi no, diŋ Manwuri. Á le de age de egre, wããge wããre jar ɓuy nà diŋ doo ɓe. Ko we, á go de poɗge ɓen doo, fen sagn wo de seege pel ɓe.

Teŋ we nen jar ɓin wo, teŋ we nen ɓaara, wããn diŋ Baa ɓay no.

Wose hay ngaɓ maarog wo we go ɓi coo doo ɓe noga hay ngaɓ kluu ngel ma ciŋ we de weere doo ɓe wo la? Wose hay ko põõre beɗef ma ti tamsir la ɓuy we go ti mundoore la? Wose hay hag húulì wo we go ciŋ kaʼ kaʼ ma ko põõre ɓaara noga kaŋ ra ti klew la? Wose hay lam ɗiggi Nenterse Manwur we day hay kaŋ nen ɓe we ti ɓen la? Á hay lag wo we ɓoʼ ti wããre de wose maga se hay daʼ hadge le see ɓe ni la? Wose hay kaŋ nen ɓe we ti faage joŋge mo ma ti ngel ɓen la? Wose hay hadn we de ɗeŋ mopo noga hay kaŋ nen ɓe we ti koge reen la?