Popular Bible Verses from Mafunukuliko 12

Share

Ni wombe wakamhotwili ndawa ya mwasi wa Mwana ling’osi, ni ndawa ya lilowe lya ulungamakiso wawe; ni wakaganiti lepa wumi wawe mpaka kufwa.

Ni nikayufwini njowelo ngulungu kunani, kujowa, Hino upatiti kuya uyokosi, ni mbafu, ni utwa wa Mulungu witu, ni chengo kya Kristo wake: pakuya alekaliki pasi wakukupikisila wa walongo witu, wakuwapisa mhalo pa kyene kya Mulungu witu musi ni kilo.

Ni liyoka likulungu lila likalekaliki pasi, liyoka lya mwandi, uyu akemeleka Diabolo ni Shetani, wakuukonga ndima woha; akalekaliki pa ndima, ni wakamalaika wake wakalekaliki pamonga nuyombe.

Mumu musangaluke, Kunani, ni mwenga wakuhwela mumu. Yoyo mu ndima ni nyanja, pakuya diabolo aselili kwa mwenga, wakuya ni kudada kukulungu, pa kumanya kukita ayii ni lukumbi lwakukepa.

Ni ikayili ngondo kunani: Mikael ni wakamalaika wake kukita ngondo ni liyoka; ni liyoka likakiti ngondo ni wakamalaika wake

Ni liyoka likadadasiki nu ndala, ni likalutiti kukita ngondo ni wala wakusigala wa mbeyu yake, wakugoha mimbi sya Mulungu, ni wakuya ni ulungamakiso wa Yesu

Ni kiwalalilo kikulungu kikawoniki kunani; ndala afwikiki ni lijuwa, ni mwesi pasi pa njayo syake, ni pa mutu wake kikupiku kya ndondo kumi ni siwili; ni akayili nu luleme: ni akakwesiti pa kwibimbatisa pa kuhogola, kuhumbusika mpaka kuhogola mwana.

Ni akahogwili mwana ngosi, uyu alonda kudima mihuku yoha ni ndonga ya kyuma: ni mwana mundu akanyakiki kwa Mulungu, kwa kitihu kyake kya kiutwa. Nu ndala akakimbili kiyingalile mu mapululu, pala ayii ni pandu pawikiki ngani, kuhuma pa Mulungu, nausi bahalapala wandele ni kyakulya magono elfu ni mia siwili ni setini.

Ni kikawoniki kiwalalilo kingi kunani; na lola, liyoka likulungu likele, liyii ni mitu saba, ni manyelo kumi, ni pa mutu wake fikupiku fya kiutwa saba. Ni nkila wake ukwekweta lilundu lya kadatu lya ndondo sya kunani, ni ukasilekili pa ndima: ni liyoka likulungu likayimiti palongolo pa ndala uyu akayili papipi kuhogola, nausi apa kamwana kake yakahogoleke yaandile ngani.

Ni gakapeliki kwa ndala mapapatilo gawili ga kapungu lila likulungu, nausi awulukile kuyingila mu mapululu pandu pake, pala aleleke kwa lukumbi, ni kwa ngumbi, ni kwa nusu ya lukumbi, kiwukile pa kyene kya liyoka. Ni liyoka likalekalili kipitile pa ndomo pake machi ngati nkuka panyuma pa ndala nausi yombe atoleke nu nkuka. Nu ndima ukantangatili ndala, nu ndima ukadindwili pa ndomo pake, ni ukamiliti nkuka wula liyoka likalekiti kipitile pa ndomo pake.