Popular Bible Verses from Yakobo 1

Share

Muwalange kuhekelela kukulungu, walongo wangu, apa mugwe pa mageseko ga misafi‐misafi: pakumanya kukita kulingika kwa kiyitakiso kinu kuhengela kwisinga.

Koma wona ayi yoha wa mwenga alemuka pa luhala, aluwe kwa Mulungu, uyu awapela woha pangali kuwanota, nukulakalila lepa; ni yakipelewe kwake.

Mumanya iki, walongo wangu wakuganika. Mundu ayi yoha aye wakuyumbatika kuyufwana, wakusyela kulongela, wakusyela kudada

Leka kwisinga kifwilanasike nausi muye wakumalakilana ni wa mfilimila, nukulemuka kandu.

Leka muye wakulikita lilowe, nukuya wakuyufwana waka, kwikonga mwawene.

Wakusengwa yula nakuhegalela pa kugeseka: pakuya apa akalingiki nnofu, yayupe kikupiku kya kulama, kila Bambo akalagiti kwa wala wakungana.

Kya waka kiyi kyoha kinofu ni kiyetulo kya kumalakilana kiyi kyoha kihumila kunani, kuselela kuhuma pa Dadi wa malulangalila, pa yula pawaka kulekana‐lekana, haka kifwili kya kuwikika kwa kung’anamuka.

Pakuya mundu wona ayii wakuyufwana lilowe, leka nukulikita lepa, ahwanangana nu wakuwona kyene kyake kila akahogoliki nakyo pa lilolelo: Pakuya ilola mwene, ni aluta, ni hino apa ayiwa wa ntundu wuli ayili.

Dini yiwalafu ni yangali wafu palongolo pa Mulungu witu nu Dadi yiyii iyi, kulolalela wakiwa ni wafwili pa kuhumbusika kwawe, ni kwigoha pangali mabala pa ndima uwu.

Mundu pakugeseka asijowa kukita Nigeseka nu Mulungu: ndawa Mulungu nakugeseka ni fiwifu, nuyombe mwene angesa lepa mundu: koma mundu ayi yoha ageseka pala afutiki na manyonyelo gake mwene, ni akongeka.

Leka ndongo wakuseleseka ilumbe pa utamo wake wakukweseka