Popular Bible Verses from Kolosse 3

Share

kuhegelelana wangi na wayawe, ni kulekelesana, wona ayi yoha ayii nu mhalo kumpindika yungi; umu Bambo nuyombe akawalekelakisi mwenga, wiwi mwenga kawili

Mutamasike maholo ginu pa fila fya kunani, nukuya pa fila fya pa ndima.

kiyi kyoha iki mukita, mukitaye kipitile pa mwoyo, ngati kwa Bambo, nukuya ngati kwa wandu

Mumu mwifwatike ngati wakuhagulika wake Mulungu, wawalafu ni wakuganika, mwoyo wa lipyana, lukolo, kwiselsea, uwololo, kwisinga

Lilowe lya Kristo liye pa mwenga pa luhala lwoha pa ukafi; kuwulisana ni kukilana ni saburi ni nyimbo ni sumu sya mwa roho, kuyimba pa mioyo yinu ni neema kwa Mulungu. Ni kiyi kyoha wona mukita, pangi pa malowe pangi pa makitiko, mukitaye fyoha pa lihina lya Bambo Yesu, kunsengusa Mulungu Dadi pa yombe.

ni ndemuko pa ifi fyoha mwifwatike kiganano, iki kiyii kyakukungisana kyakumalakilana.

Mumu wona mukasyusiki pamonga nu Kristo, mulondelonde fya kunani, apa Kristo ayili, na atama pasi pa kiwoko kya ndilo kya Mulungu.

Ni kindamba kya Kristo kiye kyakuwapaulila pa mioyo yinu, kiyingalile mumu mukakemaliki pa mbili umonga; ni muye wakusengusa.

Mumu mufikomese fipingili finu fya pa ndima; fiyaka, uwafu, unyonyelo, kilondo kiwifu, nu ung’eng’ena, uwu nuwombe uyii kugwilakimbo fifwilifwili

Pakuya mukafwili, ni kulama kwinu kufihiki pamonga nu Kristo mwa Mulungu.

Leka hino muwike patali pa mwenga kawili findu ifi fyoha; kudada, kufyoma, kuwipa, blasfemia, kujowa machafu, kipitile pa ndomo pinu

musideta ni wayinu, pakuwona kukita mufuliti mundu wa mwandi pamonga na makitiko gake, ni mwifwatiki mundu wa hino, uwu uyii mu kukitika wa hino kikitile kwa ndingo wa kifwilifwili kya uyu akampangiti

Wagosi, muwagane wahanu winu, ni musiheha kwa wombe.

Wana, muwayufwanile awa wakuwahogola pa fyoha, pakuya iki kya kunganisa mwa Bambo.

Wadala, mwiwike pasi pa wangwana winu, umu kulinganila pa Bambo.