Popular Bible Verses from BIESOZY 12

Share

Palôh rietheina ta chyhsa tha pachhâ ta, Bie phapa deikua ta a palysa tyh.

Chhoreina a pasôpa cha pahnona a pasôpa châ ta, Rana a haopa deikua cha râhsa hawhpa a châ.

Zaozi chhôpa hawhta pasapa ta bie a reihpa y ei ta, Asopa paleih deikua cha tlâhna a châ tyh.

Ahrupa cha ano mokhaoh liata a lâpi a do ta, Asopa deikua cha chhosina a nathlie tyh.

Ahrupa cha a ruchhôna thlai a lâ tyh ta, Asopa deikua cha hmia pachhiena pahno lei â pachâ tyh.

Chanô phapa cha a vahpa châta lakho châ ta, Nozana a vaw tlôkheipa chanô deikua cha, A vahpa ru a pahmytuhpa a châ.

Paleih haihthaipa cha ABEIPA châta pasichhihpa châ ta, Âdopa ta a taotuhpazy deikua cha â ly ei.

Mosiapa cha a vaih châta chhituhpa châ ta, Moleipa lâpi deikua cha ama paviana a châ.

Biedopa hmao cha chhâzaw a daih ta, Haipa paleih deikua cha buakha dei â daih.