Popular Bible Verses from BIESOZY 13

Share

Chyhsa sopa a pakyhpa cha ano chhao soh aw ta, Ahrupazy viasa deikua cha pasa a tao aw.

A pakah a sohsi theipa cha a hro pabohsa ta, A hmao a kawhpa deikua cha a hro a rao tyh.

Sôsi a hmâh khoh leipa cha a sawchapawpa a haopa châ ta, A kyh a pachâpa deikua cha thlai a chhorei tyh.

Hnabeiseihna pahawhsapa ta palôh pasasa ta, Saduthliepa a vaw tlôpa deikua cha hrona tho a châ.

Siana ta adopa ta a ypazy hrôbieh ta, Moleina deikua cha moleipa a papao tyh.

Dôveina ta sôh hmôpa cha pai aw ta, Hriapasana ta hmôpa deikua cha a pôh aw.

Apatahsana cha ahryuna dei papua ta, Pachâna a latuhpazy deikua cha sona ama hmô tyh.

Chyhsa phapa cha a samohzy to awpa taihta ryu siesai ta, Moleipa sôh deikua cha mosiapa châta pachôpa a châ.

Sawchapaw sopa cha a paw pachuna nathlie ta, Chhorupa deikua cha chhoreina nathlie khoh vei.

Pachuna a khoh leipa cha dyhchhiena nata nohzaona ta tlô thlu aw ta, Rana a pyhpa deikua cha palyupalihpa a châ tyh.