Popular Bible Verses from BIESOZY 11

Share

Chyhsa riaphapa cha a dyh pha aw ta, Ti a baotuhpa cha anosasyh â baopa a châ.

A saipa ta hiepatlapa cha pôh rilina châ ta, Byuhpa hleikhô ta riakhiehpa deikua cha phahlana a châ.

Apalaina a vaw y nahta, Maophyuhna vaw y ta; Areisipa deikua cha, Sona a hneipa a châ.

Chhihthana y leina liata cha phopi pao tyh ta, Ryhrao thaipa hluhna liata deikua cha abohna a y tyh.

Mosiapa thei cha hrona tho châ ta, Chyhsa hro a pahnietuhpa cha asopa a châ.

Chyhsa kyhchhie a reih thaipa cha bieruzy phuah tyh ta, Ngâchhihna palôh a hneipa deikua cha bie a nyu thei.

Zawngiah theipa chyhsa cha ano hro châta hmo phapa tao ta, Chyhsa chhiepa deikua cha ano sapa châta pasana a tlôkhei tyh.

A hneirôna a ngâchhâpa cha pao aw ta, Mosiapa deikua cha sibiepa hrohpa hawhta a laiseih aw.

Hiehâhna noh liata cha, Hneirôna ta phahnaina hnei khao leipa ta; Siana deikua ta cha, Thina tawhta a pachha tyh.

Chyhsa dopazy cha amâ dona ta âmo chhihtha ta, Piehpiepazy deikua cha âmo zietiahna ta a pahleipadia tyh ei.

Chanô chhithaipa pachâna a hnei leipa cha, Vao hmaothy liata ngôh rahy pataohpa hawhta a châ.

Khopathliahna doleipa cha ABEIPA châta hmo pasichhihpa châ ta, Khopathliahna dopa deikua cha â ly tyh.