Popular Bible Verses from Josua 6

Share

De konto maama, BAŋA Wɛ ta tage de Josua mo o we, “Amo kwei Jeriko teo kom, de ko pɛ, de o jar-keira bam maama a ke nmo jeŋa ne.

Kaanem tiina bam wó ba ba tiini ba wu nabwanno tem ba dáane. Ko ná ke konto, se n pa nɔn-kɔgɔ kom laare de tiguri-kaasa, se teo kom kabiri-dɛɛro tem wó to tega ne buri-buri. Nɔɔna bam maama laam wó duri ba yɔɔre ba zo teo kom ba jage jei maama.”

Abam maama de á jar-keira bam jege se á vo mo á kaare teo kom bedwe dɛ maama, se ko yi da yaredo.

Kaanem tiina barepɛ mo wó taa jege nabwanno ba tɔge Wɛ ni-gwonim dakaa kam yiga ne ba kɛa. Da yarepɛ dɛ dem ne, á wó vo á kaare teo kom kuni berepɛ mo, ye kaanem tiina balo na zei nabwanno tem to de maa wó taa wui-te.

Jeriko teo kom maama déem pe mo ko zega Isarele tiina bam ŋwaane. Nɔɔna daa ba jege chwoŋa se ba zo teo kom wone naa ba nwoŋi pwooni.

Kaarem berepɛ tu wom baŋa ne, mo kaanem tiina bam wugi nabwanno tem ba dáane. Josua de ma pa ni o we, “Laare-na de tiguri-kaasa, kokuri BAŋA Wɛ mo kwei teo kom o ke á jeŋa ne!

Teo kom de kolo maama na wo ko wone to ye BAŋA Wɛ nyem mo. Zwɛ-na te maama á pa‑o. Ka-bworo Rahaba, de balo na wo o sɔŋɔ kom ne to yerane mo wó lu. Kokuri wonto mo ye wolo na seigi dé na toŋe balo se ba ŋɔ ba nii tega kam to.