Popular Bible Verses from Hiburu 13

Share

Á yé pa se á ŋwea taa tɔge sabu-laga. Kolo maama á na jege to, se á pa ko maŋe abam ye á ba gwooni-ko. Kokuri Wɛ maŋe o ta o we, “Amo bá fɔge a yage abam kɔtaa.”

Maŋa maama Yezu Krista ye nenɛɛne o na maŋe o ye tei to mo, diim de zem maama, se ko taa vei wuu.

Konto ŋwaane debam wó taa jege baare se dé ta we: “Baŋa Wɛ mo ye amo zeinnu. A daa bá taa kɔre foone. Nabiina lage ba ke amo bɛ mo?”

Á yé swei se á ta‑á ke keim-laaro, se á daare á ta‑á woli daane. Dé ná yeini dé kwei kikia yanto dwoŋi dé ma kaane Wɛ, konto mo pa‑o wopwolo.

Pa-na se dé tɔge Yezu ŋwaane dé taa zuli Wɛ maŋa maama. Konto mo ye keim delo dé na wó kwei dé ma ke kaanem dé pa‑o to. Dé ni taane na zeiŋi Wɛ yere tei to mo ye dé pɛɛra yalo dé na wó ke o jeŋa ne to.

Baaro de kaane maama jege se ba taa zoore daane mo de swono de zula. Baro wom de kaane wom maama jege se ba taa tɔge chega mo da-tei ne. Wɛ nam wó waare balo na ke kabwoŋa, de balo maama na tɔge ka-laga wo-zɔɔna kikia to.

Ta‑á yei-na se á ta‑á jeeri veira á sam ne lanyerane. Nɔɔna badwonna déem na ke konto dwoŋi to, ko ye Wɛ malese mo ba jeeri ye ba yeiri ba na ye balo to.

Bochare-zuru Tu Baŋa Wɛ wó zeini abam. Wonto mo bi de Teiru Yezu toone wone de o na dɛ o jana bam ŋwaane o gwoni ni delo na wó taa wora taa wuu to. O laam ma pa o ye nayero chekke ye o wae o nii debam balo na nye de o pei sem to lanyerane. Wɛ wó zeini abam de wo-laaro telo maama na maŋe se á wane á ta‑á tɔge o boboŋa to, ye o tɔge Yezu Krista ŋwaane o fɔge abam, ne ko na wó pwoli o wo tei to. Yezu maŋe de zula se ko taa vei wuu. Ameena.