Popular Bible Verses from Nia Gulim 7

Share

Ta‑á yei-na we abam Tu BAŋA Wɛ wom yerane mo ye Wɛ chekke. Á wae á sale‑o, ye o bá kwane o ni de ni-gwonim delo o na ke o swono kom ŋwaane to. O ta wó taa swoi balo na swoi‑o ye ba tɔge o nia yam to, ye o bá yage-ba, se ko yi ba dwi dem kuni moro laŋa ne.

Kokuri to, abam ye nɔɔna balo na ye á Tu BAŋA Wɛ wom nyem mo. O déem kuri abam mo logo baŋa dwi maama wone se á ta‑á ye wonto tete lonne jejegero.

Ko nam ye o na jege abam swono to ŋwaane mo BAŋA Wɛ kuri abam se á ta‑á ye o nyem. Ko ta maa ye o na pwooli dedaane á nabaara bam se o ke tei to ŋwaane mo. Mo kokuri o déem toŋe de dam o jwoŋi abam Ejipti Pa-faro wom jeŋa ne o yage pa se á nwoŋi teo kolo á ya na ye kabɛ da to wone.

Nam lɔre-na we BAŋA Wɛ na kuri abam konto to, ko dae we á kɔgɔ mo daga ko dwoi dwi-gɛ tiina maama. Chega ŋwaane to, abam déem mo tiini á muri nɔɔna maama wone.

Abam wó na Wɛ swolim á dwoni tega baŋa dwia yam konto maama. Wolo na ba lore to, naa varem wolo na ba lore to daa bá taa wo abam wone.