Popular Bible Verses from Nia Gulim 6

Share

Ta‑á swoi-na á Tu BAŋA Wɛ dedaane á bochare maama, de á boboŋa maama, ko woli de á dam maama.

Pa-na se á bia de lɔre-ya. Ta‑á tɛ-na ya taane maŋa maama, nenɛɛne á ná jei sɔŋɔ ne ye á lara, naa á ná tɔge daane á vei chwoŋa yuu ne, ko ta woli de á ná peini tete ne, naa á ná zaŋe zezeŋa maama ne.

Ko jege se Wɛ nia yanto a na wora a bere abam zem to taa tigi á bochare ne mo.

Cheigi-na Isarele tiina bam, debam Tu BAŋA Wɛ wom ye o yerane dedoa mo.

Lwoni-na-ya á tiŋi tɔnɔ ne se á daare á vɔ-ya á je ne, dedaane á tira ne, se á ta‑á guli ya gula.

Popone-na-ya á tiŋi á di sem ni-bworru tem ne, se á daare á ta popone-ya á yage á manchwo-nia dɛ sem ne.

Ta‑á kɔre-na abam Tu BAŋA Wɛ wom, ye á toŋe á ke o boboŋa. Á ná gwoni ni de nɔɔno, se á ma BAŋA Wɛ yere dem yerane á du duuri.

BAŋA Wɛ déem nam ya maŋe o gwoni ni mo de á nabaara Abaraham, de Izaak, dedaane Jakob, se o kwei tega kam konto o pa abam. Leile konto o lage o pa á zo ka wone. Te-kamuna maa wora, ye abam wo lɔge-de. Sɔ-fwaaro de maa wora ye te jege zela dedɛ abam na wo tiŋi-ya da. Abam ta maa wó nyɔ vola yalo á na wo koge to na bam, ye á daare á di teeni delo á na wo jeiri to bia bam, Vini tio-bia de Olivi tio-bia de woli da. Abam nam ná tu á nae á di á sui, se á yé swei-na BAŋA Wɛ ni ne, kokuri wonto mo jaane abam o ja o nwoŋi Ejipti ne, á déem na ye kabɛ mɛ to.

“BAŋA Wɛ ni dem mo tento. O déem pɛ amo ni se a pa abam mo lɔre o chullu tem de o bera yam maama na ye tei to se á ta‑á tɔge-ya nenɛɛne á ná tu á bɛ Jɔdan buga kam, ye á zo se á jwoŋi á tega kam á ta‑á tei. Abam de á bia dedaane á kwaga kam maama jege se á ta‑á kɔre á Tu BAŋA Wɛ wom mo taa wuu, ye á ke á tɔge o nia yanto, de o chullu tem a na wora a pae abam tento to, se á wane á dáane tega kam ne de momwɛ-dɛɛre.

Ta‑á ke-na kolo maama na lana ye ko su Wɛ yi to. Konto mo, á ŋwea wó ke lanyerane ka pa abam, ye á daare á zo á jwoŋi te-ŋoŋa kanto kam á ta‑á tei, nenɛɛne BAŋA Wɛ na pwooli de á nabaara bam se o ke tei to.

Lɔre-na se abam Tu BAŋA Wɛ wom wo á tetare ne, ye o yi page abam baŋa ne. Á ná tɔge wa yadwonna, o bane wó zaŋe de abam, ye o daare o chɔge abam tega kam baŋa ne.

Nam yé zaŋe-na á zuli wa yadwonna á woli da, nenɛɛne dwi-gɛ tiina na gilimi abam ye ba zuli wa yalo to.

Ta‑á yei-na se á yé faŋe abam Tu BAŋA Wɛ á nii, nenɛɛne á déem na ke tei Massa ne to.