Popular Bible Verses from Nia Gulim 8

Share

Nam guli-na we, ko ye á Tu BAŋA Wɛ wom mo pae abam dam se á ma á ji naduna. O nam ke konto se ni-gwonim delo o na ke de á nabaara bam to mo su lanyerane, ne ko na ye tei de zem maama tento to.

O na pɛ se á tu á tete tei to, o pɛ se kana mo ni abam, ye o laam pa abam Manna se á di. Konto nam ye wodiu kolo abam de á nabaara ya na yeiri to mo. O nam ke konto se ko pa se abam lɔre we ko dae wodiu yerane mo pae se nabiina ŋwe, se ko ye BAŋA Wɛ ni taane dem maama mo pae nɔɔna ŋwea.

Guli-na we abam Tu BAŋA Wɛ wom déem tɔge abam yiga kagoa chwo-dɔrɔ kom ne bena finna mo. O ma pa se cham dedɛ yi abam se o ma pa á yage kamunni, se o daare o lɔre kolo na wo á bochare ne to mo, se o nii á wó sɛ o ni naa á bá sɛ.

Konto ŋwaane, abam wolowolo yé fɔge o boŋe o tete ne we, ‘Amo dam de a jeŋa totoŋa mo pɛ-ne a jejegero tem.’

Ta‑á yere-na á tete se á yé swei abam Tu BAŋA Wɛ wom. Yé swei-na o ni ne, se á ve o nia yam, de o bera yam, de o chullu tem a na pɛ abam zem to.

Nam maane-na á bochare ne we á Tu BAŋA Wɛ wom de yɔɔre o korese abam mo, ne kwo na korese o bu tei to.

Abam nam ná di ka wodiiru á su, se á tei á Tu BAŋA Wɛ wom de te-ŋoŋa kalo o na pɛ abam to.

Konto to, yɔɔre á sɛ á Tu BAŋA Wɛ nia yam. Ta‑á tɔge-na o chwei sem, se á daare á ta‑á kɔre‑o.

Kagoa kam wone mo BAŋA Wɛ yɔɔre o kwei Manna o kɔne abam. Ko nam ye wodiu kolo á nabaara na yeiri to mo. O ma pa se cham dedɛ yi abam se o ma pa á tu á tete, se o daare o faŋe abam o nii, se ko kwaga seeni á ŋwea ke lanyerane ka pa abam.

Ko ná dae konto, abam ná di tega kam wodiiru á su, ye á ta lɔ sɔ-laaro á zoore te wone, ye á vara de ná puli dedɛ, ye á lu-nyenno de á sabu-seŋa daga pa se á jejegero tem puli te pa abam, á wó bere á tete, ye á swei á Tu BAŋA Wɛ wom ni ne. Wonto nam mo ye wolo na jaane abam o ja nwoŋi Ejipti teo kom ne pa se o vere abam á kabɛɛne dem ne o yage to.

Kokuri to, abam BAŋA Wɛ wom jege abam o zoore te-ŋoŋa wone mo. Bu-tole, de chwaro mo wo ka wone, ye buli-yia tae ya nwoŋi ka bwollu de ka peero jei sem ne. Tega kam konto ke mena dwi dwi, de Vini teeni, de kaporro, ko ta woli de Pomegara teeni, de Olivi teeni, dedaane tooro. Jei sem konto ne wodiiru gaale, ye kolokolo zore bá ja abam. Tega kam peero jege luuru te wone, ye channa-seŋa de wo ka zwonnu tem wone.

“Nam toŋe-na á tɔge Wɛ ni delo maama a na pɛ abam zem tento to de chega, se ko pa á ta‑á ŋwe ye á kɔgɔ kom puli dedɛ. Abam maa wó zo tega kalo BAŋA Wɛ na gwoni ni de á nabaara bam se o pa abam to wo á ta‑á tei.

Bena finna yam konto maama wone abam gwaaro tem wo zareme, ye á napera de wo foose chwoŋa kam cham ŋwaane.

O ma ja abam o tɔge kagoa kam wone, ka na yala ye ka tiini ka jege foone ka pa abam to. Basankwe selo ni na chamma to wora, ye nwanno de gaale. Jeiga kam konto na koge ye na tera jei jei to, o pɛ se na ta ba nwoŋi pe-liliru wone.