Popular Bible Verses from Nia Gulim 5

Share

Ta‑á nege-na á kwoa de á niina. Abam Tu BAŋA Wɛ pɛ abam ni dem konto mo se ko pa á ta‑á jege momwɛ-dɛɛre. Á ŋwea maa wó ke lanyerane maŋa kalo á na wó ta‑á zoore tega kalo o na lage o pa abam to wone.

Ta‑á tɔge-na abam Tu BAŋA Wɛ wom na bere abam chwoŋa kalo se á da to. Konto wó pa se, á ná zo tega kalo o na lage o pa abam se á ta‑á tei to, á wó zo ka wone á dáane ye á ŋwea ke lanyerane.”

Abam ba jege se á tiiri te yiga ne naa á zuli-te. Kokuri to, amo mo ye abam Tu BAŋA Wɛ wom. Amo yi page abam baŋa ne mo. Ko ná ye balo na ve amo to, a yeini a waare-ba de ba bia maama se ko vo ko yi ba dwi dem kuni betɔ naa bena laŋa ne. Ko nam ná ye balo na swoi-ne ye ba sɛ a nia yam to, a maa yeini a jege ba swono taa, se ko yi ba dwi dem kuni moro laŋa ne.

Yé zaŋe-na á mɔ kamɔgɔ se ko taa ye jwoni ko pa abam. Á yé mɔ woŋo se ko lwoni wɛyuu wonnu, naa tega baŋa wonnu, naa tega kuri na wo wonnu.

Daa á yé zuli-na jwona á woli amo wone.

Á yé zaŋe á bwoŋi á Tu BAŋA Wɛ yere kafɛ ŋwaane, se BAŋA Wɛ wó waare wolo maama na ke konto to.

Amo ya lage se ba boboŋa ja se ba taa kɔre amo ye ba sɛ a nia yam maŋa maama. Konto ya wó pa se banto ŋwea ke lanyerane ka pa-ba de ba kwaga kam se ko taa vei wuu.

Ta‑á yei-na se á pɔɔre Wɛ siu dɛ dem da yam maama wone á pa Wɛ. BAŋA Wɛ maŋe o pa abam o ni dem konto.

Yé pa-na se á fera zo á dwonna kaana. Nam yé kwei-na á boboŋa á daŋe ba sam baŋa ne, naa ba tega baŋa ne, naa ba kabɛ, naa ba ka-nyaana baŋa ne. Ta yé pa-na se á yi su á dwonna nabɛ, naa ba bonɛ, naa woŋo kolo maama na ye ba nyem to.

Yé ke-na kabwoŋa de nɔɔno wodwoŋi kaane.

Yé zaŋe-na á bore vwa bora á ma á vane á dwonna.

Yé zaŋe-na á go nɔɔno.

Yé ŋɔ-na kolokolo.

Guli-na we abam de déem ye kabɛ mo Ejipti ne. Abam Tu BAŋA Wɛ ma tɔge o dam baŋa ne o toŋe wo-kamunnu o ma vere abam á kabɛɛne dem ne o ja o nwoŋi. Konto ŋwaane mo o we á jege se á pɔɔre siu dɛ dem se de taa ye de yera.

Da yarepɛ maama wone, abam jege da yaredo mo se á ma‑á toŋe totoŋa dwi maama. Ko nam ná ye da yarepɛ dɛ dem, abam Tu BAŋA Wɛ pɔɔre-de mo o pa o tete, se de ta ye siu dɛ. Dento dɛ dem ne, nɔɔn-nɔɔno ba jege se o toŋe totoŋe. Ko maa ye abam, de á bia, de á bukwa, de á kabɛ, de á ka-nyaana maama mo bá taa toŋa. Ko woli da, abam nabɛ, de á bonɛ, dedaane á vara bam maama, de veira balo na zoore á teo wone to de bá taa toŋe totoŋa dɛ dem konto ne. Abam kabɛ sem de jege se ba tɔge ba sii mo dento dɛ dem ne, nenɛɛne abam na wó sii tei to.

Amo mo ye abam Tu BAŋA Wɛ wom. Amo maa ye wolo na jaane abam a ja nwoŋi Ejipti teo kom ne ye a vere abam á kabɛɛne dem ne a yage to.