Popular Bible Verses from Nia Gulim 4

Share

Abam na wó ta‑á zoore teene delo maama ne to, nenɛɛne á ná boŋe se á jwoori á beeri á Tu BAŋA Wɛ jei, abam wó na‑o. Ko nam wó tɔge dedaane á ná seene á yia á beeri‑o dedaane á boboŋa maama de á wo maama mo.

Kolo ŋwaane, BAŋA Wɛ tiini o jege abam yibwona. O bá fɔge o de abam o yage. O nam bá chɔge abam. O bá swei ni delo o déem na gwoni dedaane abam nabaara bam ye o du duuri de baŋa ne to.

Kolo ŋwaane, abam Tu BAŋA Wɛ yi page abam baŋa ne mo. O maa nye de min-fɔrɔ kolo na di wo-yɔɔro maama to mo.

Nam ta‑á cho-na á tete. Ta‑á yei-na se á yé zaŋe á swei wo-kamunnu telo Wɛ na ke ye á yi na-te to. Abam ta ná wo á ŋwea wone, lwoni-na-te á bere á bia dedaane á naaro tem maama.

Laam nam kwei chega kam konto á ke á bochare ne zem, se á sɛ we BAŋA Wɛ mo ye wolo na tei wɛyuu dedaane tega baŋa maama. Wɛ dedwoŋi daa tera.

Dwi-gɛ tiina wa yam ba bwola de-ba, ba teo kom ná maŋe ko ye te-fɔrɔ tei. Debam Tu BAŋA Wɛ nam tiini o bwola de debam ye o yeini o cheigi dé wɛ-lworo kom maŋa kalo maama dé na wó bwoŋi‑o to.

Abam ná tu á zo cham wone, pa se wonnu tento maama yi abam, ko kwaga ne á laam wó pipiri á jwoori á Tu BAŋA Wɛ wom tei, se á sɛ o ni.

Ta‑á yei-na se á yé woli kolokolo nia yalo a na lage a pa abam to wone, nam yé le-na kolokolo ya wone á yage. Za á ke-na á tɔge BAŋA Wɛ nia yalo maama a na wó pa abam tento to.