Popular Bible Verses from Kolosia 3

Share

Ta‑á zuri-na á yera á pa daane. Abam wolo ná jege o dwoŋi taane, se á yage á ma á chɛ daane, ne dé Teiru Yezu na yage abam wɛleera o ma chɛ abam tei to.

Pa-na se á boboŋa tiini ya zo wo-laaro tem konto, ye ko dae logo baŋa wo-yɔɔro tem.

Woŋo kolo maama á na toŋe to, se á ta‑á toŋe de jawala. Pa-na se á na ke tei to taa ye dé Teiru wom ŋwaane, ye ko dae nabiina yerane ŋwaane.

Wɛ mo kuri abam se á ta‑á ye o nyem, ye o jege abam swono. Konto ŋwaane, ta‑á jege-na da-ŋwaŋa, de da-zula. Ta‑á gwooni-na á tete da-tei ne, se á ta‑á nege daane de ban-peno.

Pa-na se Yezu Krista taane dem tiini de zo abam bochara de fɔge-ya lanyerane. Á ta‑á mae boboŋ-dɛɛra á bere daane Wɛ chega kam, se ko pa á lɔre chwoŋa kalo na lana to. Ta‑á leeni-na Wɛ seinim lei, de Yezu kɔgɔ kom lei, de Wɛ Sin-laao kom na pɛ abam lei selo to. Ta‑á leeni-na konto á pa Wɛ, ye á ke‑o lei. Woŋo kolo maama abam na wora á ke de á ni, naa de á jeŋa to, se á pa ko taa ye dé Teiru Yezu yere ŋwaane, ye á daare á tɔge o ŋwaane á ta‑á ke dé Kwo Wɛ lei.

Konto maama wone ta‑á jege-na da-swono, se ko pa á wane á tɔge chwoŋa de ni dedwe.

Abam na nɛ Wɛ ŋwe-doŋa kam to, ko nye de á tɔge de Yezu Krista mo á jwoori á bi toone wone. Yezu laam jege o jeiŋa jei Wɛ jazem seeni. Abam na me ded‑o to, pa-na se Wɛ telaao wonnu tem taa jege fera á tei ne.

Pa-na se á boboŋa maama taa tɔge bochare-zuru, ne Yezu Krista na pɛ á jege tei to. Abam na ye kɔgɔ dedoa to, Wɛ kuri abam se á ta‑á tɔge daane de bochare-zuru konto dwoŋi mo. Maŋa maama se á ta‑á ke Wɛ lei.

Abam nam jege se á chɔge logo baŋa boboŋ-lwanno mo á bochara ne, se á daa yé zaŋe á sɛ-te. Ko ná ye kabwoŋa mo, naa wo-zɔɔna keim, naa ka-laga kikia, naa ko ná ye á fera na zoore wo-yɔɔro tei, naa á yi su wonnu tei to, se á yé sɛ á tɔge boboŋa yam konto dwoŋi. Nmo nam ná pae n yi su wonnu, ko bere we n pa tento mo zula ne jwona tei to.

Abam na yage wɛleera chwoŋa to, ko nye de á ye twa mo ya tei ne. Á ŋwe-doŋa kam ye Yezu Krista nyem mo, ye Wɛ jege-ka o kwola o tei ne.

Ko daare leile konto, abam nam jege se á de wo-balwaaro tem konto maama mo á yage. Yage-na ban-zɔŋɔ de ban-lom maama. Á yé ta‑á boŋe nɔɔna chɔgem. Á yé ta‑á twe nɔɔna. Á yé pa se ta-zɔɔna taa wo á ni ne.

Yé zaŋe-na á fɔ vwa á pa daane. Kokuri abam dole á ŋwe-dwoŋa kam á yage de ka kikia maama, ye á laam daare á jege ŋwe-doŋa mo. Wɛ mo ye á ŋwe-doŋa kam keiru. O maa wora o fɔge-ka se ka taa nye de o tete ŋwea, se á wane á lɔre o na ye tei to chekke.

Ko nam ná ye kan-banna, se á ta‑á swoi á kaana, se á yé ta‑á ke keim-chɛɛre de-ba.

Ko nam ná ye bia, á na sɛ dé Teiru Yezu to, ko maŋe se á sɛ á tiina ni mo maŋa maama, se konto mo lamma Wɛ tei ne.

Kaana jege se ba sɛ ba pa ba banna, ne ko na maŋe de balo na tɔge dé Teiru Yezu to.