Popular Bible Verses from 2 Tim 2

Share

Kwaane n ta‑n tɔge chwoŋa lanyerane se ko su Wɛ yi, se chaveera yé ja‑m o yiga ne. Ta‑n toŋe de jawala de n na wó kwaane n ta‑n bere nɔɔna Wɛ chega kam tei to.

Ko na ye konto to, se n yage keim-yɔɔro telo nɔn-donno boboŋa na yeini ya zoore to, se n daare n kwaane n tɔge chega chwoŋa, de wo-dedoa, de swono, de bochare-zuru. Ta‑n vei de balo bochara na lana ye ba ke ba tete dé Teiru wom jeŋa ne to.

Nɔɔno wolo na ye dé Teiru wom tontoŋeno to nam ba jege se o taa mage ni-kantɔgɔ. Ko nam maŋe se o taa nege nɔɔna maama lanyerane, se o daare o bere-ba chekke de ban-peno.

Dé ná maŋe dé ba jege o chega, wonto ta wó zege o chega wone mo, kolo ŋwaane o ware se o jwoori o tete kwaga ne.

Ko ta maŋe se o zuri o yera o pa se balo na dwoni ded-o to jwoori ba tɔge chwoŋa. Dɛ delo Wɛ wó pa-ba chwoŋa se ba leiri ba boboŋa, ye ba daare ba ba ba lɔre o chega kam.

Ja n tete de lare-yɔɔro telo na dae Wɛ chega kam to. Balo na lare konto dwoŋi to pae se nɔɔna jwoori ba maŋe kwaga kwaga mo Wɛ tei ne.