Popular Bible Verses from 2 Tim 1

Share

Kokuri, Wɛ na zeini debam de o Sin-laao kom tei to, ko dae se dé taa kɔre chaveera. Ko nam na zeini debam tei to pae se dé jege baare de swono dé bochara ne, ye dé ta wae dé tete dé jaana.

O nam maŋe o jwoŋi debam o pa se dé tɔge chwo-laao. O na zeini debam konto to, ko dae debam keim-laaro ŋwaane, se ko ye o tete boboŋa ŋwaane mo. Faŋa faŋa to, ko zege logo baŋa boboa ne, Wɛ déem maŋe o boŋe se o tɔge Yezu Krista ŋwaane mo o ke debam zaane.

Konto ŋwaane mo a lage a pa nmo guli a déem na daŋe a jea nmo baŋa ne ye Wɛ pa nmo wolim to. Nam fɔge n nii Wɛ pɛɛre dem konto baŋa ne, se n ta‑n ma n tiini n toŋe Wɛ totoŋa yam lanyerane.

Mo kokuri, yé ta‑n kɔre chaveera se n zege dé Teiru Yezu chega kam kwaga ne. Ta yé pa foone zo‑m de ba na ke amo peena diga ne Yezu chega kam ŋwaane to. Ko nam maŋe se n de sɛ yaara yalo na wó yi‑m Wɛ kwor-ywoŋa kam berem ŋwaane to mo. Wɛ wó pa‑m baare se n tɔge n yaare konto dwoŋi nenɛɛne amo tei.

Ko ye konto ŋwaane mo amo nɛ yaara yam konto. Amo nam bá taa kɔre chaveera. A ke a wo-dedoa de Yezu, ye a yei o wo lanyerane. Amo daŋe a teena wonto baŋa ne. A maa tiini a yei we o wae o nii amo na kwei kolo maama a ke o jeŋa ne to baŋa ne, se ko taa vei dɛ dem o na wó ba to.