Popular Bible Verses from 1Korintios 2

Share

Awer, wii ti Hayliche Xrifte saan: Was nimant nii kesiin ore keheyert hot, un was nii yemant ketënkt hat tas paseere khënt, waar tas was Hërkot prepareyert hat fer tii woo iim liipe.

Awer, weyer net Hërkot sayne Kayst hot khan net ti kaape woo fom Kayst khome kriin. In te woerheet, eyer khan se net mool ferxteen. Tii woerheete sin feriktichkheet fer tee mënx, wayl tëne iire sin khan ploos kaystlich ferxtan kewe.

Awer es waar fer uns woo Hërkot, torich em Kayst, sayn kehëmnis reweleyert hot. Te Hayliche Kayst unersuucht ales, sokaar ti tiifste pleen fon Hërkot.

Es waar net te kayst fon tee welt woo meyer uf kenom hon, awer te Hayliche Kayst woo Hërkot kexikt hot, tas meyer ales ferxteen khëne was Hërkot uns kep hot.

Mayn untericht un mayn mensaaj waare net aan kesaat kep mit wërter fon te mënxlich wisheet, awer mit xtrame pewaysunge fon te macht fom Hërkot sayne Kayst. Soo, ayre klaawe hot net sayn basis uf te mënxlich wisheet, awer an Hërkot sayn macht.