Popular Bible Verses from 1Korintios 3

Share

Teyer wist yoo, sicher, tas teyer Hërkot sayne thëmpel sayt un tas em Hërot sayne Kayst in aych trin leept.

Wayl Hërkot hot xon Yeesus Kristus hiin ketuun als eensichste funtamënt, un khee anere funtamënt teref keleet kewe.

Soo, es is net important weyer planst ore weyer waser kept, awer toch Hërkot, woo es wakse macht.

Wayl meyer sin khameraate in te aarwat ore im Hërkots tiinst, un teyer sayt tas lant woo Hërkot sayn aarwat macht. Teyer sayt aach em Hërkot sayn kepau.

Kristus sayne Taach wërt kans klaar tsayche ti kwaliteet fon yeete ëne sayn aarwat. Wayl tas fayer fon tëm Taach wërt ti aarwat fon yeete persoon tsayche.

Wayl es kept khee unerxiit tswixe weyer planst ore weyer waser kept. Hërkot kept te loon tëm noo mit te aarwat woo yeete ëne kemach hot.

Tas nimant sich selepst hinerkeen tuut! Wën yemant fon aych tënkt weyer kluuch tëm noo te mënxlich wisheet, tan mus eyer ferikt kewe fer wërklich en wisente kewe.