Popular Bible Verses from 1Korintios 1

Share

Fer ti wisente ferxeeme, hot Hërkot aus kesuucht tas was ti welt tënkt weyer feriktichkheet; un, fer ti mechtiche ferxeeme, hot eyer aus kesuucht was ti welt xwach fint.

In te woerheet, ti mensaaj fon Kristus sayne toot am krayts is en feriktichkheet fer tii woo sich am ferleere sin; awer fer uns, woo keret am kewe sin, is em Hërkot sayn macht.

Wayl tas woo feriktichkheet aus siit hot mee wisheet wii ti mënxlich wisheet, un tas woo aus siit wii Hërkot sayn xwachheet is xtërker wii ti mënxlich kraft.

Hërkot is troy un hot aych keruuf tas teyer in eenichkheet leewe tuut mit sayne Soon Yeesus Kristus, unser Hër.

Priiter, ich ferlange, torich ti autoriteet fon unser Hër Yeesus Kristus, tas teyer eenich sayt in was teyer saan tuut un tas es khee xpalung unich aych kept. Halt aych in klayche ketanke un klayche sin.

Tan, was khëne ti wisente un ti kelërnte saan? Was saan ti kroose xprecher fon tee welt? Hërkot hot ketsaycht tas ti wisheet fon tee welt feriktichkheet is.