Popular Bible Verses from Romanos 3

Share

te melel sleoj smulic ta spisilic. Loq'uemic tey a ta bay yutsilal te Diose. Ja'uc me to, ta swenta yutsil yo'tan te Diose, ta majt'anil ya yac'otic ta libre yu'un jmultic, ta swenta bit'il la stojbotic jmultic te Cristo Jesuse.

Ja' nax toj ya x'ilot yu'un Dios te mach'atic ay xch'uunjel yo'tanic ta stojol te Jesucristoe. Pajal sc'oplal spisil te ants-winiquetique

Dios la yac' te ja' la jelolintic ta stojel jmultic te Cristo Jesuse, teme ya jch'uuntic te la smal xch'ich'el cu'untique. Jich chicnaj te stojil chajbanel yu'un te Diose, manchuc me ma la sna'bey smulic te ants-winiquetique soc la sts'icbey te smulic ta neelal toe. Ta ora to, Dios la yac' ta ilel te stojil chajbanel yu'un jmultic swenta yu'un tey me ya xchicnaj ta jamal te bit'il toj yo'tan stuquele. Soc te mach'a ya yac' xch'uunjel yo'tan ta swenta te Jesuse, ja' toj ya x'ilot yu'un te Diose.

Yu'un jtul ma'yuc mach'a ya x'ac'ot ta libre yu'un smul yu'un te ya yat'elin spasel te bi ya yal te mandalile. Melel te mandalile, ja' nax ya yac' ta na'el stojol te ay te mulile.

Melel jich ts'ibubil jilel ta Sjun te Diose: “Ma'yuc mach'a toj ta q'uinal, ni jtuluc. Jtul ma'yuc mach'a c'oem ta yo'tan. Jtul ma'yuc mach'a ya sle te Diose. Spisil ants-winiquetic jowejemic ta be, spisil lajix yutsilic. Ma'yuc mach'a ya spas te bila leque, ma'yuc ni jtuluc.

Ja' yu'un, jich me ya xc'ot ta loq'uel in to: Te ants-winique, ja' libre ya xc'ot yu'un smul ta swenta te xch'uunjel yo'tane, ma ja'uc ta swenta xch'uunel soc spasel te mandalile.

Ma jichuc. Melel ma sujt'es sc'op stuquel te Diose, manchuc teme jpas-lot spisil te ants-winiquetique. Jich te bit'il ts'ibubil jilel ta Sjun te Diose: “Ta swenta te bila ya awale, toj ya xc'oat yu'un. Jich me ya awaiy tsalaw te c'alal ya awich' chajbanele”, te xi' sc'oplale.