Popular Bible Verses from Romanos 4

Share

Ma ba pejc'aj yo'tan yu'un. C'axem to xan la yich' yip xch'uunjel yo'tan yu'un te bila albot yu'un te Diose. Bin nax yo'tan la yalbey yutsilal Dios yu'un. Melel jc'axel la yac' ta yo'tan te ay yu'el te Diose, te ya yac' c'otuc ta pasel ta swenta spisil te bila yaloje.

Jich bit'il ts'ibubil ta Sjun te Diose: “La cac'at ta tatil yu'un spisil nacionetic”, te xie. Ja' in to, ja' te Dios te la xch'uun te Abrahame, te ya yac' cuxinuc xan te animaetique soc te ya yac' chicnajuc te bila ma to chicanuque.

Ja' te ac'ot ta lajel ta scaj te jmultique soc te cha'cuxesot tel, swenta yu'un libre ya xc'ootic yu'un jmultic ta stojol te Diose.

Te c'alal jich yilel te tojol xanix te ay bi yac ta smaliyel a te Abrahame, la xch'uun yo'tan te ya x'ayin te snich'ane. Jun yo'tan la smaliy. Jich c'ot ta pasel te bit'il tatil c'ot yu'un spisil nacionetic, jich bit'il albot yu'un te Diose: “Jich me yipal ya xc'ot te ats'umbale”, te xie.

Jich yu'un ta swenta xch'uunjel-o'tanil te ay ta tael te yutsil yo'tan te Diose, swenta yu'un ma xch'ay te bila yaloj Dios ta stojol spisil te mach'atic sts'umbalic te Abrahame. Melel ma ja'uc nax sc'oplalic te mach'atic ayic ta swenta te mandalile, jich nix sc'oplalic uuc te mach'atic ya yac' xch'uunjel yo'tanic jich te bit'il te Abrahame. Jich yu'un ja' jtatic c'oem ta jpisiltic.

Jich la yal: “Bin nax me yutsilic te mach'atic pasbotiquix perdón yu'un Dios te smulique soc te tup'botiquix te faltaetic yu'une. Bin nax me yutsil te winique, te ma ba x'ich'bot ta wenta smul yu'un te Cajwaltique”, te xie.

Te melel jich ts'ibubil jilel sc'oplal ta Sjun te Diose: “Te Abrahame, la xch'uun te Diose. Jich toj ilot yu'un Dios”, te xie.