Popular Bible Verses from Romanos 2

Share

Jich yu'un te ja'ate ¿bi ya anop yu'un? Te bit'il ya awalbey smul te yantique soc te bit'il yacat nix ta spasel uuque, ¿yu'un bal ya acuy te ma x'ac'botat castigo yu'un uuc te Diose? ¿Ya bal ap'aj te bayal xc'uxtayejat te Dios te bit'il jal c'aal ya xmaliywane? ¿Yu'un bal ma ba c'oem ta awo'tan te ja' swentail te bit'il ayat ta c'uxtayel yu'une te yacuc asujt'es awo'tan ta stojol te Diose?

Jich yu'un, te ja'ate, ma'yuc bi ya xju' ya amac aba ta c'op a. Mach'a ya acuy aba a te ya alebey smul te yane. Te bit'il ya alebey smul te yane, ja'at nix ya ale castigo ta atojol. In te smul te ya alebey te yane, jich nix yacat ta spasel uuc.

Melel te Diose, ma'yuc mach'a stsaoj nax ta yo'tan jtuluc.

Melel ma ja'uc toj ya x'ilotic yu'un Dios te mach'atic ja' nax ya yaiyic stojol te mandalile, ja' toj ya x'ilotic yu'un Dios te mach'atic ya spasic te bila ya yal te mandalile.

Ya me yac'bey stojol juju-jtul chican te bi yilel te yat'ele.

Yan te mach'atic toybaetique, ya me x'ac'bot castigo soc yilimba Dios, yu'un ma xch'uunic te smelelil c'ope, soc te ja' nax baem ta yo'tanic spasel te bila ma lecuque.

Ja'uc me to, c'ax tulan te awo'tane, yu'un ma ba asujt'esej te awo'tane. Jich yac ta toyel xan castigo ta atojol te quechel ya sta sc'aalelal castigoe. Tey ya xchicnaj a te Dios ya yal ta jamal te stojil te chajbanel yu'une.