Popular Bible Verses from Ipisus 2

Share

Do tokou nopo diti nga vinaal do Kinoringan, do vinorun tokou kavagu do kopiiso tokou di Koristus Yisus supaya aandai iri gaagaya tokou, irino i gaagaya do nisodiano laaid di Kinoringan do vojoon tokou.

Do kinovijaan tokou nopo nga sabap opuavang i Kinoringan daton do aparsaya tokou di Koristus, om okoniko mantad do tumos tokou do kumaraja do pinataak nopo toomod do Kinoringan. Jadi nong irad dino auso kinoontodo tokou do misinggagajo, do okoniko mantad di karaja tokou kondiri do kaanu tokou di kovijaan diri auso koovion.

Nga i Kinoringan nopo om agajo marong kosianan om au marong kojuu daton, do insan nong napatai i tatod tokou sabap di kasalaan tokou nga pinoompot tokovi di Koristus momijau. Novijau tokou sabap opuavang i Kinoringan daton.

Om vinijau tokou nogi di Kinoringan sabap piniiso tokou di Koristus Yisus, om porunggumon tokou nogi Disido do momorinta silo suruga.

Jadi nong irad dino okoniko tulun sondiang kou, om okoniko tulun do monongijon kou, nga ikovuno sampaganakan do Kinoringan om tulun kou suruga do koruang kovi di tulun vokon di songonuvon di Kinoringan. Om ikovu nopo nga irad di valai vatu do pinosusun do pinoimpou si di tongosusuuon di Yisus om i tongonabi, iri popolombus di tinangaran do Kinoringan. Nga i Koristus Yisus kondiri sinumiliu irad do vatu do pinoiliu si pinsuk do pinonimpuunan di valai.