Popular Bible Verses from Ipisus 3

Share

Rojoon tokou i Kinoringan do Isidono kikuasa do obuli monulung lobi ginuu mantad di pokionuon tokou ko iripo soromoonon tokou maja di kuasaJo di kumaraja si daton. Om i Kinoringan pogojoon di poiuuntunan diri tongotulun di aparsaya di Koristus, om pogojoon nogi di Koristus Yisus gosob do tundan-monundan di koturunan do auso koovion. Amin.

Om sumambayang oku si di Kinoringan kumaa si dikovu, supaya onuan kou Disido di kuasa mantad diri kogojooJo di poinlobi, om kogiroto di kaparsayaan muju mantad di TatodJo Tolidang, om supaya koindada i Koristus sino ginavo muju mantad di kaparsayaan muju, om atatap om ogirot i ginavo muju do au kojuu do vokon. Om sumambayang oku nogi supaya ikovu mivaja do kinasangkatan di tulun vokon di songonuvon di Kinoringan nga koilo do au kojuu i Koristus daton lobi mantad do tongotoilaan do tulun. Om sumambayang oku supaya moilo kou mangaarati do gaagaya di Koristus do au kojuu daton, iri alaab om alanggau om asavat om aralom. Om sumambayang oku nogi supaya i gaagaya muju koinong marong di gaagaya do Kinoringan.

Om opusu tokou minsomok do Kinoringan om atatap i ginavo tokou aparsaya Disido sabap do nokopiiso tokou di Koristus om aparsaya tokou Disido.