Popular Bible Verses from Ipisus 1

Share

Om pokionuonku nogi do Kinoringan ikovu supaya poingkalaton Disido ino mato do ginavo muju gosob do koilo kou diri onuu nopo mantad di Kinoringan iri arapon tokou do insan tadau, irino pinangalaavan Disido daton, om koilo kou nong songkuro kosukupo diri kagajaan do barakat di nijanji Disido do ipasanganu di tongotulun songonuvonJo. Om koilo kou komuro ginirot di kuasa do Kinoringan i kumaraja si kovijaan tokou diri naparsaya Disido. Om ginirot nopo do kuasa Disido i si daton om miinong ginirot do kuasa i nivijauJo di Koristus mantad si kapatajon, om poogom si ponong vanan Disido, iri pantok di agajo kuasa silo suruga. Do asavat marong i Koristus mantad di kasangkat diri monguasa silo savat si vinavang, om iri kikuasa, om iri kisinundu, om iri kipangkat, om pointikid-tikid diri kingaran siti vonuvo maino om nogi si vonuvo koduvo.

Sabap iri aupo novorun iti vonuvo om nopili tokouno laaid do Kinoringan do piisoon tokou di Koristus, supaya olidang tokou om auso sala si gotuvang Disido. Om kinoponontuan nopo do Kinoringan do mananganak daton saralom di Yisus Koristus sabap do au Isido kojuu daton. Om irino kouvanganJo do aandai

Sabap kopiiso tokou di Koristus om mantad di raaJo nga nolukat tokou, irino noompunan i duso tokou sabap okonko naalang-alang Isido opuavang marong daton do auso gosob. Om maja diri kopintaro om pongorotian do Kinoringan

Rojoon tokouno i Kinoringan, iAmoJo di Yisus Koristus i Tuhan tokou, do opuavang manaak daton pointikid-tikid di barakat mantad di TatodJo Tolidang si suruga sabap do nokopiiso tokou di Koristus.