Popular Bible Verses from Kulusas 3

Share

Ay tanani fadfalyamani, ay alyami tuwa nu e limata am. Kata tam Fun nu nafalyam ay asalanan, katanyai yangay ay fagbulun.

Ay fagamatanganun faggugat tagsai tuwas banwa fag ngay ugali, dangay tagste swa daga fag ngay taw at ugali

Nus nga setaw ay fagbulun, fasineuni tuwa, kata ay fagbulun nut sa tam Fun, ay di sas taw.

Am wan Diyus at nafili fag ngay taw. Kanya kafanyu ayu ay nafasaman ayu laman sa anya. Nu katanya, kadkafanyuwan tuwam, ay gtadtarabangan tuwam, ay gfababaun tuwam, ay malukme tuwam, ay mafanyan tuwam.

Ay tam Fun Isus at longan fatsii tuwa gugat ay amatanganan. Ay fodfoyungani ay fatagaki tuwa ay iba siginan ay nasaful Diyus at longan. Danyui Diyus at ngay danyu ay tiba yak danyu tagfauseganan anya. Ay danyui sas fagdaul ay baga gina am gseg anya. Ay nus nga setaw ay e longan ay ay fagbulun, fagbuluni sa tam Fun Isus at ngayan, ay siginan anya, fauseganani tam Diyus tam Tama.

Ay at tiba tungud ay fagbulun, tanani tuwa edkesugani, anway fakesugun wan fagayu tagfasadi.

Diyus nafaleleg wa ayu gasfuwan tam Fun Isus, nu katanya, faggugat amatangani tagsas banwa fag ngay ugali, anway tam Fun Isus malunggung sas Diyus at siyun baliwa fag day tigyangan.

Ay fabayani wa tam Fun Isus nu nanfanabayan ayu. Tam Diyus at fagnafiliun ayu laman fagayu am kata tuwam sadik bilug nu gbanwan. Ay useganani tuwa gugat sa tam Diyus.

Ubuni fiya fiya fagayu tagste swa daga at mauri fag ugali: nu kamayun am, ay nu galabian am, ay nu mason am kaumsig sat mauri, ay nu gamatangan am sat mauri, ay nu gfangesug am. Ay sik taw nu gfangesug yay, kata yangay nu gseg sa sangay tawtawan.

anway inkate wam gasfuwan tam Fun Isus. Ay katsi ay leleg masuksukan sa tam Fun Isus, sas Diyus at fagbanwanan.

Ay katsi, ubuni wan kayu tuy: nu kadotama am, ay nu gamatangan am mauri sa ay iba, ay nu gfalingun am ay iba, ay nu gelongan nus nge wain at mauri fag longan.

Ay lag am kadkamuwagan, anway naubun wam ay dan fag taw ay at ngay ugali. Ay katsi sik bagu wam fag taw. Ay nafabagu wan ay fagsafulun, laman kata yangay ban am ay Diyus at naawat ayu.

Ngay mangama, esugi tuwa ay mangena ay lag gfauri anya.

Ngay sisiyan, faningi tuwa ay magurang at longan at matuyan fagayu. Anway nu katanya tuwa gfauseganan tuwam tam Fun.

Ngay mangena, faningi tuwa ay mangama, anway katanya tuwa tam Fun at naumsigan.