Popular Bible Verses from Ehoto 3

Share

Ma na vāgana atu te Atua kia Mohe, “Ko au ko au lava au.” Na toe lea vē atu, “Lea ki nā tino Ihalaelu, ‘Ko tē e igoa KO AU, kua ia uga maia au kia te koutou.’ ”

Na tali mai te Atua, “Ko au ka iei fakatahi ma koe, ma kāfai e takitaki e koe oku tagata ki fafo mai Aikupito, ko koutou ka tāpuaki mai kia te au te Atua, i luga o te mauga tēnei. Ka kavea tēnā ma fakailoga e fakamāonia ai ko koe na kō uga atua.”

Na tali mai te ALIKI, “Ia koe nahe toe hōhō mai. Kave kehe nā taka o koe, auā ko koe e tū i luga o he kelekele e paia.

Oi na toe vāgana mai ai te ALIKI, “Kua kō kitea te puapuagā o oku tagata i Aikupito; kua kō lagona a lātou tagi ke lāveaki kilātou mai o lātou pule gāluega fakahāuā; e kō iloa o lātou māfatiaga, ma ko au kua hau ke lāveaki kilātou mai nā lima o tagata Aikupito, ma kave kehe mai kilātou i te fenua tēnā, ma kave āgai ki luga ki he fenua lahi ma lauefa, he fenua e tafe ai te huhu ma te meli—tēia e nonofo ai nei nā tino ha-Kananā, ha-Hitē, ha-Amolī, ha-Pelehī, ha-Hivī, ma ha-Iepuhī.

Ko kinā na fakakitea ai te āgelu a te ALIKI kia Mohe, e vē he afi mumū e hau mai lototonu o he lākau tālatala. Kua kitea atu e Mohe ko te lākau e mumū, kae e hē mū lele ona lau ma tona tino.

Ko te mea ia ka uga atu ai koe e au ki te tupu ko Falao, kae ke takitaki kehe mai e koe oku tagata Ihalaelu mai Aikupito.”