Popular Bible Verses from Ehoto 2

Share

ma kua lagona e te Atua to lātou ōi i te pologa, ma na ia manatua ai tana feagaiga na fai ma Apelaamo, Ihaako, ma Iakopo. Kua kitea e te Atua te nofo pologa o tagata Ihalaelu, ma na fofou ai ke fehoahoani kia te kilātou.

Kua teka ni tauhaga e lahi, oi na oti ai te tupu o Aikupito, kae ko tagata Ihalaelu koi ōi lava i te pologa, ma taukālalaga pea ki te Atua mo he fehoahoani. Kua fanake te lātou tagi mo he fehoahoani ki te Atua

Mulimuli ake kua matua mālie te tamaiti oi na kave ai e te fafine ki te afafine o te tupu, ma na fai ai ma ona ataliki. Kua vē ifo te afafine o te tupu i tona loto, “Na hiki ake e au te pepe tēnei mai loto o te vai, ma ko te mea ia ka kō fakaigoa ai ia kia Mohe.”

Kua lea atu te afafine o te tupu ki te fafine, “Kave te pepe tēnei a aku oi fakahuhu e koe, kae totogi koe e au.” Oi na kave ai e te fafine te pepe ma tauhi lelei ki ei.

Kua fanaifo te afafine o te tupu ko Falao ki te vaitafe oi tākele, ka ko nā kaukauna a ia e hāvalivali i luga o te kauvai. Na ia kitea atu te ato i te mea nae iei ai te vao loloa, oi na uga ai e ia hētahi o ana kaukauna fafine ke kaumai.

I tētahi aho, kua matua ai ia Mohe, na fano ai ke kikila ki ona tagata Ihalaelu, ma na ia kitea ai te mamafa o nā gāluega e feagai ma kilātou; na ia kitea he tino Aikupito nae ia kinia he tino Epelu. Na taukikila holo ia Mohe, ma i te ia kiteaga e hēai he tino nae kikila ake, oi na tāmate ai e ia te tino Aikupito ma tanu tona tino i te oneone ke nahe kitea.