Ehoto 3
3
Kua Kalaga te Atua kia Mohe
1 #
Eho 6.2-13
I tētahi aho, ko Mohe nae leoleo e ia nā māmoe ma nā oti a Ietelo, te tamana o tana āvaga, ma ko te ohitāulaga ia o Mitiana. Kua takitaki e ia te lafumanu ki tētahi itū o te toafa, ma tau atu ai ki Hinai,#3.1 Hinai Epelu Holepa Ko hētahi igoa o Hinai te mauga paia o te Atua. 2#Gāl 7.30-34Ko kinā na fakakitea ai te āgelu a te Aliki kia Mohe, e vē he afi mumū e hau mai lototonu o he lākau tālatala. Kua kitea atu e Mohe ko te lākau e mumū, kae e hē mū lele ona lau ma tona tino. 3Ma na vē ake ai i tona loto. “Te uiga kehe o tēnei mea! Heā te hē mū ai te lākau? Ko au ka hōhō ki ei ke kikila.”
4I te kiteaga e te Aliki ko Mohe kua tafapili ake, oi na vāgana mai ai ki ei mai lototonu o te lākau, kua lea vē mai, “Mohe! Mohe!”
Kua tali atu ia Mohe, “Ko au tēnei.”
5Na tali mai te Aliki, “Ia koe nahe toe hōhō mai. Kave kehe nā taka o koe, auā ko koe e tū i luga o he kelekele e paia. 6Ko au ko te Atua o nā tupuna o koe—te Atua o Apelaamo, te Atua o Ihaako ma te Atua o Iakopo.” Oi na pupuni ai nā mata o Mohe, ona na mataku oi kikila ki te Atua.
7Oi na toe vāgana mai ai te Aliki, “Kua kō kitea te puapuagā o oku tagata i Aikupito; kua kō lagona a lātou tagi ke lāveaki kilātou mai o lātou pule gāluega fakahāuā; e kō iloa o lātou māfatiaga, 8ma ko au kua hau ke lāveaki kilātou mai nā lima o tagata Aikupito, ma kave kehe mai kilātou i te fenua tēnā, ma kave āgai ki luga ki he fenua lahi ma lauefa, he fenua e tafe ai te huhu ma te meli#3.8 fenua e tafe ai te huhu ma te meli Ko te uiga, e lelei ma ola lelei ai ia manu ma lākau totō, ma lahi ai nā meakai—tēia e nonofo ai nei nā tino ha-Kananā, ha-Hitē, ha-Amolī, ha-Pelehī, ha-Hivī, ma ha-Iepuhī. 9Kikila, kua lagona e au te faitatagi a tagata Ihalaelu, ma kua kitea e au ia fakahāuāga a tagata Aikupito e fai ki ei. 10Ko te mea ia ka uga atu ai koe e au ki te tupu ko Falao, kae ke takitaki kehe mai e koe oku tagata Ihalaelu mai Aikupito.”
11Kae kua lea atu ia Mohe ki te Atua, “Ko ai nei au ke fano ai au ki te tupu ko Falao? Ko ai nei au ke takitaki ai e au ia tagata Ihalaelu ki fafo mai Aikupito?”
12Na tali mai te Atua, “Ko au ka iei fakatahi ma koe, ma kāfai e takitaki e koe oku tagata ki fafo mai Aikupito, ko koutou ka tāpuaki mai kia te au te Atua, i luga o te mauga tēnei. Ka kavea tēnā ma fakailoga e fakamāonia ai ko koe na kō uga atua.”
13 #
Eho 6.2-3
Kae kua lea atu ia Mohe, “Kāfai au e fano ki nā tino Ihalaelu ma lea vē ki ei, ‘Ko te Atua o nā tupuna o koutou te na uga maia au kia te koutou,’ ka fehili vē mai nei kilātou kia te au, ‘Ko ai tona igoa?’ ka vēhea ake nei haku tali kia te kilātou?”
14Ma na vāgana atu te Atua kia Mohe, “Ko au ko au lava au.” Na toe lea vē atu, “Lea ki nā tino Ihalaelu, ‘Ko tē e igoa KO AU,#3.14 Ko au ko au lava au… KO AU pe Ko au lava… KO AU LAVA AU kua ia uga maia au kia te koutou.’ ” #Fkl 1.4, 8 15Na vāgana atu foki te Atua kia Mohe, “Lea vēnei ki nā tino Ihalaelu. Ko te Aliki#3.15 Epelu Yhwh Ko te igoa Epelu Yhwh, e tāli vē ko te fakaleoga o te kupu Epelu mo te “KO AU.” Na fakaliliu muamua kia Ieova, kae i te fakaliliuga tēnei kua fakaliliu ki te Aliki e vē ona fai e nā fakaliliuga e lahi i nā aho nei, te Atua o nā tupuna o koutou—te Atua o Apelaamo, te Atua o Ihaako, ma te Atua o Iakopo—te kua ia uga maia au kia te koutou:
Ko toku igoa tēnei ke pa ki te hēgata;
toku igoa ke manatua e augā tupulaga uma.
16“Fano oi fakamāopōpo ia takitaki o Ihalaelu, ma lea vē ki ei, ‘Ko te Aliki, te Atua o nā tupuna o koutou—te Atua o Apelaamo, te Atua o Ihaako, ma te Atua o Iakopo—kua fakakitea mai kia te au. Na lea vē mai, “Kua kō kitea koutou ma faiga a nā tino Aikupito e fai kia te koutou, ma 17e takutino atu e au, ka kō kave kehea koutou mai Aikupito, te mea e nofo pologa ai koutou, ma kave koutou āgai ki luga ki he fenua e tafe ai te huhu ma te meli—te fenua o nā tino ha-Kananā, ha-Hitē, ha-Amolī, ha-Pelehī, ha-Hivī, ha-Iepuhī.” ’
18“Ka talitonu atu oku tagata Ihalaelu kia te koe. Oi olo ai ma nā takitaki o Ihalaelu ki te tupu o Aikupito ma lea ve ki ei, ‘Ko te Aliki, te Atua o nā tino Epelu, kua feiloaki ma kimātou. Ko te mea la ia, tuku mai kimātou ke olo ki te toafa mo ni aho e tolu, ke ofo atu nā tāulaga ki te Aliki, to mātou Atua.’
19“Kae e iloa e au e hē mafai e te tupu o Aikupito ke tuku atu koutou ke olo, vaganā kua ia iloa e hilihili lele atu toku mālohi i lo ia. 20Ko te mea ia ka fakaaogā ai e au toku mālohi, ke fakapuapuagātia ai ia tagata Aikupito e ala i nā itūkāiga mea ofōfogia ka fakakikila kilātou ki ei. Oi ka tuku atu ai koutou e ia ke olo. 21#Eho 12.35-36 Ma ka kō fakatupua te loto fakaaloalo o tagata Aikupito kia te koutou, ma kāfai la koutou ka olo kehe, e olo koutou ma kave nā koloa tāua e lahi. 22Ko fafine Ihalaelu uma ka olo ki o lātou tuākoi Aikupito, pe ki ho he fafine Aikupito e nofo i tona fale, oi gogō atu ki ei, ki ni kofu ma nā tēuga e fai i te aulo ma te hiliva. Ka fakakokofu e koutou outou ataliki ma outou afafine i nā mea iēnei, ma olo ai koutou ma kave te tamaokāiga o tagata Aikupito.”
Currently Selected:
Ehoto 3: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
