Popular Bible Verses from Ehoto 4

Share

Oi na lea vē mai ai te ALIKI kia Mohe, “Ko ai te ia faia te gutu o te tagata? Ko ai te ia faia te tagata ke tutuli, pe ke gūgū, pe ke kitea e ona mata, pe ke tāuaho? E hē ko au nei te kō faia nā mea iēnā. Ko te mea la ia, fano loa nei! Ka fehoahoani atu au ki tau tautala, ma ka lea atu au i nā kupu e tautala ai koe.”

Kae kua lea vē atu ia Mohe ki te ALIKI, “Heai, te Aliki, nahe uga kō au. Ko au e hē ko he tino e lelei i te tautala; nae hē lelei lava muamua, ma ko hēki lelei foki lava talu te kāmata oi vāgana mai koe kia te au tau kaukauna. Ko taku tautala e gehe, ma e faigatā lele ke māfaufau au ki ni kupu ke tautala ai au.”

Oi na tupu ai te ita o te ALIKI kia Mohe ma na vāgana vē atu ai ki ei, “Kae vēhea ia Alona te uho o koe, te ha-Levī? E iloa e au e lelei i te tautala. Kikila atu, tēnā e hau, ma ka fiafia lele kāfai e feiloaki koulua.