Popular Bible Verses from 1 Kolinito 14

Share

auā e hē fofou te Atua ko kitātou ke i he tūlaga fakahētonu, kae e fofou ke maua e kitātou te fealofani ma te fīlēmū. E vē ko te tūlaga e iei nā Ekalehia uma a tagata o te Atua

Ko te alofa la te tatau ke tauhiniō koutou ki ei. Ke naunau outou loto ki nā meālofa faka-te-agaga, kae maihe lava te meālofa tau ki te folafolaga o te fekau mai te Atua.

Kae ko nā tino e folafola e kilātou te fekau mai te Atua, e tautatala ki tagata i nā kupu e maua ai e tagata ni fehoahoaniga, ni fakamālohiga, ma ni fakamāfanafanaga.

Ko nā tino e tautatala i nā gagana kehekehe, e fehoahoani oioti kia te kilātou lava, ka ko nā tino e folafola e kilātou te fekau mai te Atua, e fehoahoani ki te Ekalehia kātoa.

Ona ko koutou e naunau ke koutou maua nā meālofa mai te Agaga, e tatau ai koutou ke taumafai ke fakaaogā lahi atu kilātou iēia e fehoahoani ki te atiakega o te Ekalehia.