Popular Bible Verses from 1 Kolinito 15

Share

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

Kae fakafetai ki te Atua, na ia tuku maia te manumālō e ala i to tātou Aliki ko Iehu Keliho!

Ia koutou nahe fakahehēa lele. “Ko te fakapipiki ki nā tino kino e fakahēaogā ai te lelei o te āmio.”

Kae ko te alofa tūnoa o te Atua kua kavea ai au ke vēnei, ma ko tona alofa tūnoa kia te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

“Te oti e, tēfea tō manumālō? Te tugamau e, tēfea tō tui?” Ko te mālohi o te oti e fakaogohia ai, e maua mai i te agahala; ko te mālohi o te agahala e maua mai i te Tūlāfono.

Fakalogo ki te mealilo tēnei: ko kitātou uma e hē feoti, kae kāfai te toe pu e ili, ko kitātou uma ka huia i he taimi vave lele, e vave e vē ko te kemo o te mata. Auā kāfai te pu e ili, ko nā tino kua oti ka toe fakatutū, ma hē toe oti lele, ma ka huia uma kitātou.

Auā e vē ona maua te oti e ala i he tagata, e vēnā foki ona maua te toetū e ala i he tagata. Auā e vē ona pa ia tagata uma ki te oti ona ko to lātou hokotaga ma Atamu, ka vēnā foki lava ona toe fakatutū ia tagata uma ki te ola ona ko te lātou māfutaga ma Keliho.

Auā ko te mea e fano e pala e tatau ke hui ki he mea e hē mafai ke pala; ko te mea e fano e oti e tatau ke hui ki he mea e hē mafai ke oti.

Auā ko Keliho e tatau ke pule pea ke pa ki te taimi e fakatōkilalo ai e te Atua ona fili uma, ma tuku atu ai kilātou ki lalo o ona vae. Ko te fili mulimuli ka fakatōkilalo, ko te oti.