Popular Bible Verses from 1 Kolinito 13

Share

Ko te alofa e onohai ma agalelei; e hē fuā pe fakamaualuga pe fāfia; ko te alofa e hē āmio kino pe fakapito pe fakafiufiu; ko te alofa e hē ia mātaua nā mea hehē a iētahi tino

Ko te alofa e hē fiu gōfie; ma e hē uma lele tona fakatuatua, tona fakamoemoe, ma tona onohai.

ko te alofa e hē fiafia ki te kino, kae fiafia ki te meamoni.

Ko nā mea la iēnei e tolu e tūmau: ko te fakatuatua, ko te fakamoemoe ma te alofa; kae ko te mea e hili i nā mea iēnei, ko te alofa.

Ko te alofa e fakavavau. E iei te mana e folafola ai te fekau mai te Atua, kae e hē tūmau; e iei te mana e tautatala ai i nā gagana kehekehe, kae e fano e uma; e iei te mālamalama, kae e fano e mavae.

Kāfai au e tautala i nā gagana a tagataola ma āgelu—kae e hē ia te au te alofa, ko taku lāuga e hēai he mea e kehe ai ma te pākēkē o he lali, pe ko te tagitagi o he logo.

Kāfai e ia te au te mana ke folafola ai te fekau a te Atua; kāfai e ia te au te poto uma lele ma te mālamalama i nā mealilo uma; kāfai e ia te au te fakatuatua e mafai ai ke fakagaoi ia mauga—kae e hē ia te au te alofa, e hēai lele hoku aogā.

Kāfai e fōki e au aku mea uma mā iētahi tino, ma tuku atu e au toku tino ke huhunu—kae hē ia te au te alofa, e hēai he aogā o iēnei mea mo oku.

Ka koi tamaiti au, ko taku tautala, ko oku lagona, ma oku manatu nae vē e o he tamaiti; nei ko au kua matua, kua hē toe kō fakaaogāgia oku uiga fakatamaiti.