Popular Bible Verses from Romanos 2

Share

Y miich mu̶dyiibu̶ je̱'e̱ wiingpu̶ mmu̶gu'ug pyoky myaj'u̶x'ijxypy myajpa'ijxypyu̶ñ y nandu'un naty m'adu̶u̶tzpu̶ neby je̱' ajku̶xyu̶ñ. Miich ka'p mni'idzo'ogu̶ch ko naty je̱'e̱ Dios xchaachtyuna'añ. Miich m'u̶xtijpy je̱'e̱ Dios y'oy'ajtu̶ñ je̱'e̱ mu̶dyiibu̶ ka'p nimu̶naaxu̶u̶ kyu̶xy tyu̶goyu̶ñ, je̱'e̱ mye̱kxtujku̶ñ y ko ka'p tii yujkpú̶ky yujk'íxy, ni mga'akweentu̶túñ ko je̱'e̱ y'oy'ajtu̶ñ du'un xyjya'ayajjootwimbijtp ma je̱'e̱ Diosu̶ñ.

Paady miich, ka'p miich mwinme̱kxu̶ñ, miich mu̶dyiibu̶ je̱'e̱ wiingpu̶ mmu̶gu'ug pyoky myaj'u̶x'ijxypy myajpa'ijxypyu̶ñ; oy miich naty mja'apú̶nu̶chpyu̶. Ko je̱'e̱ wiingpu̶ mmu̶gu'ug pyoky myaj'u̶x'íxy myajpa'íxy, ku̶'u̶m naty du'un mnaychaachpyu̶mo'oyii y nandu'un miich naty m'adu̶u̶tzpu̶ neby je̱' ajku̶xyu̶ñ.

Je̱' ko ka'p je̱'e̱ Dios je̱'e̱ ja'ay win'ixy tzoky, y'agu̶tzojktaaby je̱'e̱ ku̶xyu̶ wanpú̶nu̶ch

Je̱' ko ka'p je̱' awa'adzpu̶dzu̶u̶mgu̶xp je̱'e̱ mu̶dyiibu̶ je̱'e̱ Moisés y'ane̱'e̱mu̶ñ je'eyu̶ amdo'ijtku̶xpu̶ñ, je̱' awa'adzpu̶dzu̶u̶mgu̶xp je̱'e̱ mu̶dyiibu̶ je̱'e̱ Moisés y'ane̱'e̱mu̶ñ kuydyuungu̶xpu̶ñ.

y chi nidu'ug nidu'ug yajnibu̶dagu̶'u̶wa'añ neby naty tu̶ jya'ay'átyu̶ñ.

Peru̶ chaachtyúnu̶py je̱'e̱ ja'ay mu̶u̶d je̱'e̱ jyootma'tu̶ñ je̱'e̱ mu̶dyiibu̶ ka'p kyapxymyu̶doogu̶xyu̶ñ, je̱'e̱ mu̶dyiibu̶ je̱'e̱ tu̶y'ajt mu̶dzip'ajtku̶xpu̶ñ, y tuungu̶xy je̱'e̱ ju̶bu̶kpu̶.

Peru̶ miich, je̱' ko janch xe̱x je̱'e̱ mjoot mgu'ubajk y ka'p mjootwimbida'añ ma je̱'e̱ Diosu̶ñ, ni'igyu̶ je̱'e̱ mdzaachpyu̶ miich ku̶'u̶m myajni'ibéty mu̶dyiibu̶ nu̶kxy mbaady m'ixy ko naty je̱'e̱ xu̶u̶ jumu̶jt tu̶ paatnu̶ mu̶naa je̱'e̱ Dios naaxwiiñjya'ay tzaachtyuna'añu̶ñ mu̶u̶d je̱'e̱ tyu̶y'ajtu̶ñ