Popular Bible Verses from Romanos 3

Share

je̱' ko nigu̶xyu̶ je̱'e̱ naaxwiiñjya'ay tu̶ pyokytyuungu̶xy y ju̶gue̱m je̱'e̱ yajpaatku̶xy ma je̱'e̱ Dios wyinduuyu̶ñ; je̱'e̱ mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ. Peru̶ je̱'e̱ Dios tu̶ xyajpokyñi'iwaatzu̶m ajku̶xy mu̶u̶d je̱'e̱ myay'ajtu̶ñ; y nan timyñi'inigoobu̶ tu̶ xyaj'awa'adzpu̶dzu̶u̶mu̶m ajku̶xy mu̶u̶d je̱'e̱ Cristo Jesús kyu̶xpu̶.

Dios xyajpokyñi'iwaatzp je̱'e̱ ajtu̶m ajku̶xy ko je̱'e̱ Jesucristo nmu̶bu̶jku̶m ajku̶xy; yajpokyñi'iwaachpy wanpú̶nu̶ch pu̶n mu̶bu̶jku̶bu̶ñ

Je̱'e̱ Dios je̱'e̱ Cristo yaa naaxwiiñ ke̱jx oy je̱'e̱ ñe'pty temy yoky ni'i'o'ktuuty je̱'e̱ naaxwiiñjya'ay du'un, wan je̱'e̱ pyoky kyu̶dyeey du'un winmekxy wyu̶'u̶mgu̶xu̶ch. Adaa pokywyinme̱kxu̶ñ mu̶'it je̱'e̱ yajpaady ko je̱'e̱ Cristo yajmu̶bú̶ky, y ni'igu̶xu̶'kp je̱'e̱ du'un ko je̱'e̱ Dios tyu'uda'agyu̶ch y ko je̱'e̱ naaxwiiñjya'ay pyoky kyu̶dyeey ka'p jékyu̶p yujpu̶jk yujk'ijxu̶ ma je̱'e̱ Jesucristo najty ka'p kéxyñu̶ju̶ñ ya naaxwiiñ, je̱' gyu̶xpu̶ ko je̱'e̱ me̱kxtujk mu̶j mu̶u̶du̶ch. Nan ni'igu̶xu̶'kp je̱'e̱ du'un ko je̱'e̱ Dios jada'achám tyu'uda'agyu̶ch y ko tu'uda'agy'ajtp'adu̶u̶tzpu̶ch ko tu̶ yajpokyñi'iwa'ach pu̶njaty je̱'e̱ Jesús mu̶bu̶jkku̶xpu̶ñ.

je̱' ko ka'p je̱'e̱ Dios ni pu̶n pokytyuk yajnaxa'añ oy naty je̱'e̱ Moisés y'ane̱'e̱mu̶ñ tu̶ ja'akuydyuumbu̶, je̱' ko je̱' je̱'e̱ Moisés y'ane̱'e̱mu̶ñ je'eyu̶ xyajnejwu̶u̶yu̶mb ko nbokyjya'ayu̶ch ajtu̶m ajku̶xy.

je̱' ko du'un je̱'e̱ Dios ñaky myu̶na'añ: “¡Ka'p ni pu̶n, pu̶n tu'uda'agyu̶ñ! ¡Ni tu'ugtu̶'ajty kya'a'íty! Ka'p ni pu̶n, pu̶n je̱'e̱ Dios y'ayuuk tyu̶y'ajt winju̶wu̶u̶ybyu̶ñ. Ka'p ni pu̶n, pu̶n je̱'e̱ Dios u̶xtaaybyu̶ñ. Nigu̶xyu̶ je̱'e̱ ju̶bu̶kpu̶ nu̶u̶ tu'u tu̶ padu'ubu̶jkku̶xnu̶; nigu̶xyu̶ anaxy tu̶ tyu̶gooygyu̶xnu̶. ¡Ka'p ni pu̶n, pu̶n tu'uda'agyu̶ñ! ¡Ni tu'ugtu̶'ajty kya'a'íty!

Y du'un je̱'e̱ mu̶dya'agy yam kyu̶xy myay: ko je̱'e̱ Dios je̱'e̱ ja'ay yajpokyñi'iwaachpyu̶ch ko je̱'e̱ Jesús naty mu̶bu̶ky y ka'p ko je̱'e̱ Moisés y'ane̱'e̱mu̶ñ mu̶dzibu̶'u̶ jatytimypyadúnu̶ch.

¡Ka'p, ka'p dyu'unu̶ch! Dios kyuydyuumby je̱'e̱ du'un je'emy neby tyu̶y'ajtu̶chu̶ñ, oy u̶xyu̶py je̱'e̱ ja'ay ku̶xyu̶ jya'a''anu̶u̶'ajtku̶xpu̶; je̱' ko du'un je̱'e̱ Dios ñaky myu̶na'añ: “Ñejwu̶u̶by je̱'e̱ ja'ay du'un ko mguydyuumby je̱'e̱ m'ayuuk neby mmu̶na'añu̶ñ, y ka'p je̱'e̱ myajmu̶ju̶da'agu̶ch ko naty pu̶n xyu̶'u̶y.”