जोन मनै दौड़मे भाग लेथाँ, ओइने सक्कुहुनसे आघे अभ्यास करथाँ, और अपन इच्छा अप्निहीँ नियन्त्रण करथाँ। ओइने असिके यहे कारणसे करथाँ, ताकि ओइने जिते सेकिँत। ओइन्हे सम्मानके लग फुलक माला घलाजाइत, और उ फुलक माला धेउर समयसम नै रहत। पर हम्रे, जे-जे येशू ख्रीष्टहे विश्वास कर्थी, हम्रे सम्मानित हुइबी, और हम्रिहिन्हे देगिलक आशिष सदामान पलिरही। तबेकमारे हम्रे अपने चाहनामे भुलाई नै परत। जसिके एकथो दौड़मे भाग लेहल खेलाड़ी या मुक्का मरना खेल खेलुइया खेलाड़ी अपन प्रहारहे नियन्त्रणमे धारत। ओस्तेहेँके मै मोरिक विश्वासी जीवनहे ख्रीष्टके नियन्त्रणमे धरथुँ।