Popular Bible Verses from १ कोरिन्थी 10

Share

पाप करना इच्छा हमार सक्कुहुनके थेन आइत। पर परमेश्वर विश्वासयोग्य हुइँत : परमेश्वर हम्रिहिन्हे हमार क्षमतासे धेउर परीक्षामे परे नै दिहीँ। जब हम्रे यी परीक्षामे पर्थी, तब ऊ हम्रिहिन्हे हरदम उ परीक्षासे भग्ना डगर दिहीँ ताकि हम्रे यिहिहे सहक लग बल्गर हुई सेकी।

अन्तिममे मै तुहुरिन्हे कहे चहथुँ, चाहे तुहुरे खाऊ अथवा पिओ, या तुहुरे ज्या करो। पर उ सक्कु परमेश्वरके महिमक लग करो।

तबेकमारे कौनो विश्वासी परमेश्वरकेमे ओकर भरोसा बल्गर बतिस कहिके सोँचत कलेसे उहिहे सावधान रना चाही। असिन ना होए कि एकफाले उ कौनो लालचमे आजाए, और उ पाप करे लागे।

तुहुरे कथो, “हम्रे ज्या फेन करक लग स्वतन्त्र बती।” हाँ, स्वतन्त्र बती, पर सक्कु चिज हमार लग मजा नै हो। हम्रे ज्या फेन करक लग स्वतन्त्र बती, पर सक्कु चिज परमेश्वरमे हमार विश्वासहे बल्गर नै बनाइत।

केऊ फेन अपन किल भलाई ना खोजिँत। पर दोसुर जहनके लग फेन भलाई करना कोशिस करे परत।