Popular Bible Verses from १ कोरिन्थी 8

Share

“पर हमार लग ते एक्केथो परमेश्वर बाबा बताँ, जे सक्कु चिजहे बनैलाँ, और जेकर लग हम्रे जिथी। और हमार लग एक्केथो प्रभु बताँ, ऊ येशू ख्रीष्ट हुइँत, और जेकर माध्यमसे सक्कु चिज बनल, और जेकर माध्यमसे हम्रिहिन्हे जीवन मिलल।”

आब उ प्रश्नक बारेमे जोन बात तुहुरे अपन चिट्ठीमे लिखल बतो: का मूर्तिनहे चह्राइल खाना खैना सही हो? हम्रे जन्थी, कि हमार सक्कुहुनके थेन ज्ञान बा: ज्ञान घमण्ड नानत, पर प्रेम उन्नति कराइत। यदि केऊ “कुछु जन्थुँ” कहिके कहत कलेसे, उहिहे ज्या जाने परना हो, उ चिज ऊ जानल नै रहत।

तबेकमारे यदि मूर्तिमे चह्राइल खाना खैलक कारण दोसुर विश्वासी संघरियनहे विश्वाससे पाछे हट्ना कारण बनत कलेसे मै उ मेरिक खाना कबु नै खैम ताकि मै दोसुर विश्वासीनके ख्रीष्टसे पाछे हट्ना कारण ना बनुँ।

पर हौश्यार रहो, असिन ना होए कि तुहुरिन्के स्वतन्त्रता कमजोर विश्वासीनके लग पापमे गिरना कारण बनजाए।