Popular Bible Verses from एफिसी 5

Share

तमन परमेश्वरका प्यारा सन्तान हौ, तबइकिलाइ तमरो ब्यबहार उनरो स्वभाव जसोइ होउ। औरकिलाइ प्रेमले भरिपूर्ण जीवन बिता, ख्रीष्टको उदाहरण पछया, जइले तमनलाइ प्रेम अर्यो रे तमनका पापका निउति आफइलाइ बलिदानका रुपमि दियो। रे परमेश्वर भौत खुशी भया, क्याकि त्यो बलिदान उनलाइ बास आउन्या अत्तर जसोथ्यो।

तबइकिलाइ बिसेस अरिबर आफ्नो स्वभाबका बारेमि साबधान होउ, मुर्ख जसा होइन तर बुद्दिमान मान्सन जसा भइबर जीवन बिता। रे हरेक मौका बुद्दिमानिसित असल कामकी निउति प्रयोग अर क्याकि दिन खराब छन।

दारु खाइबर जन मात्तिय, क्याकि यइले मान्सनलाइ असभ्य रे अनियन्त्रित तरिकाले ब्यबहार अद्द्या बनाउन्छ, बरु तमनलाइ पबित्र आत्माले नियंत्रण अद्द दिय। यदि तमनलाइ पबित्र आत्माले नियंत्रण अर्यो भण्या तमनले यिसो अद्द्या हउ: जब तमन जम्मा हुन्छौ तमनले भजन, महिमाको गीत, और गीत जो पबित्र आत्माले दिन्या गीत गाउन्या अर, रे आफना पुरा ह्रदयले प्रभुकि स्तुतिको गीत गाउनाइ रे धुन निकाल्लाइ अर। रे हामरा प्रभु येशू ख्रीष्टले अर्या सब कामकीलाइ हामरा पिता परमेश्वरलाइ सदाइ धन्यबाद दिय।

तबइकिलाइ मुर्ख जन हो, तर प्रभुले तमन बठेइ अद्द चाया कुरणी बुज्जया कोशिस अरिबर बुद्दिमान हौ।

बैकान हो, आ-आफ्नि स्वानिलाइ प्रेम अर, जसेरि ख्रीष्टले लगइ मण्डलिलाइ प्रेम अर्यो, तइका निउति आफनो जीवन दियो।

क्याकि तमन अन्धकारमि बस्या मान्सन जसा थ्या, तर आब तमन ज्योतिका मान्सन हौ, क्याकि तमन प्रभुका हौ। तबइकिलाइ ज्योतिका मान्सन जसेइ काम अर।

हाम ख्रीष्टको प्रति श्रद्धा भया हुनाले एक अर्खाका अधिनमी बस।

स्वानी मान्स, आफ्ना बैकानका अधिनमी बस, जसेरि तमन प्रभुका अधिनमी बसन्छौ।

तर यो तमनमि लगइ लागु हुन्छ: जी भया लगइ तमन हरेकले आफनी स्वानिलाइ आफलाइ जसेरि प्रेम अर, रे स्वानिले लगइ आफना बैकानको आदर अरउ।

जसेरि पबित्र सस्त्रामि लेखिया छ, “तबइकिलाइ मान्सले आफना इजा बा छाडिबर आफनी स्वानिसित मिलिबर रन्छ, रे तिन दुइ एक शरीर हुनाहान।”

रे अन्धकारका अर्थहिन पापी काममी सहभागी जन होउ, बरु तिन पापी कामलाइ ज्योतिमि ल्या।