Popular Bible Verses from Эфеслилер 4

Share

Ал бир-бириңизге мийирман ҳәм жан ашыр болыңлар. Қудай сизлерди Масийх арқалы кеширгендей, сизлер де бир-бириңизди кешириңлер.

Толық кишипейиллик, мүләйимлилик ҳәм сабырлылық пенен жасаңлар. Бир-бириңизди сүйип, мийзамкеш болыңлар.

Аўызларыңыздан ҳеш бир жаман сөз шықпасын. Ал орны менен сөйлеп, еситкенлердиң руўхын көтеретуғын пайдалы сөзлерди айтың.

Жек көриўшилик пенен бирликте ҳәр бир жаман нийет, ашыў, ғәзеп, бақырыс ҳәм өсек сизлерден аўлақ болсын.

Ғәзепленсеңиз де, гүна ислемеңлер. Қуяш батқанша, ғәзептен қайтыңлар. Шайтанға жол бермеңлер.

Сол себептен бурынғы өмир жолыңыздан, яғный денениң жаман қәлеўлери себепли шириген ески тәбиятыңыздан ўаз кешиңлер. Ой-пикирлериңизди ҳәм руўхыңызды жаңалап, Қудайға уқсатылып жаратылған, шын ҳақлық ҳәм мухаддесликтен ибарат жаңа тәбиятқа бөлениңлер.

Өзлериңизди бирлестириўши тынышлық пенен, Мухаддес Руўх берген бирликти сақлаўға тырысыңлар.

Масийх гейбиреўлерди елши, базыларды пайғамбар, айырымларды Хош Хабарды жәриялаўшы, ал биреўлерди жәмәәт шопаны ҳәм устаз қылып қойды. Ол буны мухаддеслерди хызметке таярлаў ҳәм Өз денеси болған жәмәәтти беккемлеў ушын иследи. Нәтийжеде бизлердиң ҳәммемиз Қудайдың Улына исениўде ҳәм Оны билиўде бирликке ерисип, Масийхтың толық минсизлигине дейин өсип барамыз.

Солай екен, ендигиден былай, гөдек болмайық. Адамлардың жалатайшылығы ҳәм ҳийлекерлиги арқалы пайда болған ҳәр түрли тәлиматлардың самалы менен ана жақтан мына жаққа шайқатылмайық. Керисинше, ҳақыйқатлықты сүйиспеншилик пенен айтып, денениң басы болған Масийхқа қарай ҳәр тәреплеме өсип барайық.