Popular Bible Verses from Gyenesis 49

Share

Ahempoma remfi Yuda nsa, na mmarahyɛ poma remfi n'anan ntam, kosi sɛ ɛsodifo a aman bɛyɛ osetie ama no no bɛba.

Yosef yɛ dua a ɛsow aba baa, dua a ɛsow aba wɔ nsu aniwa so baa; n'abaa tratra ɔfasu. Mmɛmmatofo hyɛɛ no yaw, wɔtotow no, na wɔtaa no.

Nanso na ne tadua kura no pintinn, na ne basa mu yɛɛ den. Efi Yakob tumfo no nsam, efi ɔhwɛfo a ɔyɛ Israel botan no mu. Efi w'agya Nyankopɔn, ɔmmoa wo, na efi Tweaduampɔn hɔ, onhyira wo, ɔmfa ɔsorosoro nhyira, ne ebun a ɛtrɛtrɛw ase mu nhyira, ne nufu ne yafunu mu nhyira, nhyira wo.

Yuda, wo na wo nuanom beyi wo ayɛ; wo nsa bɛhyɛ w'atamfo kɔn so; w'agya mma bɛkotow w'anim. Ogyata ba ne Yuda; hanam so na wode anyin, me ba. Ɔkotow, obutuw sɛ gyata ne gyatabere; hena na ɔbɛhwanyan no?

Ruben, m'abakan ne wo, m'ahoɔden ne me mmaninyɛ asefi. Wowɔ nidi a ɛkyɛn so, ne tumi a ɛkyɛn so. Wuhinhim sɛ nsu, enti wo kanni befi wo nsa, efisɛ woforoo w'agya nnae. Ɛno mu na wuguu wo ho fi, me mpa na ɔforoe!