Popular Bible Verses from USOLWELO 12

Share

O amukumbile, mumu ha manyinga ja Mwana-panga, ni mumu ha liji lia Shindakenyo yo; kalemesene mwono wo, ewa chipwe ndo ku kufwa.

Mba nevwile liji linene mwilu ngwo, Haliapwila ulamwino, ni tachi, ni wanangana wa Zambi yetu hiuneza, ni yiyulo ya Kristu yenyi: mumu hananyase hashi mukwa kusuma mandumbu jetu, yoze wakwasuma kumeso ja Zambi yetu mwalwa ni ufuku.

Ni ndragau munene amunyashine hashi, mwe kapela wa shakulu, jina lienyi ngwo, Ndiapu kanda Satana, mwe mukwa kupiangula yifuchi yeswe ya hashi; amunyashine ndo hashi, ni anyashine angelo jenyi hamwe nenyi hashi.

Kashika ivwenu chiseke, yenu malilu, ni yenu nwakutwamamo. Lamba kuli akwa hashi ni ku kalunga-lwiji: mumu Ndiapu hanahulumuka kuli yenu, kali ni ufwatulo unene, kananyingika mwaka ukepe wika akwete.

Mba mwapile jita mwilu, Mikele ni angelo jenyi ashile jita ni ndragau; ni ndragau ni angelo jenyi ashile jita

Ni ndragau watenukine ni pwo, wayile mukwasa jita ni masalila ja munyachi wenyi, waze akufunga shimbi ja Zambi, kanda waze ali ni Shindakenyo ya Yesu.

Chilayi chinene chamonekene mwilu: pwo kanazala tangwa, ni kakweji kushi lia yiliato yenyi, ni ha mutwe wenyi chipangula cha kumi lia matongonoshi ni matongonoshi aali. Iye kali ni ufumba; kanatete nikufumbajala, ni kupinda aseme.

Iye wasemene mwana-lunga, yoze mayula mavungu eswe ni mbwechi ya utale; apindumwine mwanenyi kuli Zambi, ni ku ngunja yenyi. Ni pwo wachinyinyine ku puya, kuze kuma akwete kwa kululika kuli Zambi, hanga akamuhokeleko kanunu ka matangwa ni kulakaji aali a matangwa, ni makumi asambano a matangwa.

Chilayi chikwo chamonekene mwilu: kumanyi, ndragau muchila munene, kali ni mitwe shimbiali, ni kumi lia mbinga, ni ha mitwe yenyi yipangula shimbiali. Ni muchila wenyi wakokele chihanda chimuwika cha ku yihanda yitatu ya matongonoshi a mwilu, iye waanyashine hashi: ni ndragau yamana kumeso ja pwo yoze himasema, hanga muze hasema, akawumbule mwanenyi.

Alioze ahanyine kuli pwo mapulwa aali a pupa munene, hanga akahumuke ku puya kuma kwenyi kuze akumuhokela mwaka, ni miaka, ni chihanda cha hakachi cha mwaka, kanamusweke kuli kapela. Ni kapela watuhwishile mu kanwa lienyi kunyima lia pwo meya ngwe lwiji, hanga akamuhungumune ku mihwiji. Ni hashi hakwashile pwo, ni hashi hapakwile kanwa liaho ni hashi haminyine mihwiji yize ndragau Watuhwishile mu kanwa lienyi.