Popular Bible Verses from USOLWELO 11

Share

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Ni mavungu atenukine, ni utenu we hiuneza, ni mwaka wa kupatwila afu, ni wa kwononona ndungo je, aprofeta ni asandu, ni waze akwivwa woma wa jina lie, ni akepe ni anene, mukwonwona waze akwonwona hashi.

Mba mungukahana tachi kuli yela jami aali, o makaprofeteza kanunu ka matangwa, kulakaji aali a matangwa, ni makumi asambano a matangwa, kanazala yikeleyi.

Kulutwe lia matangwa atatu ni chihanda cha hakachi, mwiku wa mwono wa kuli Zambi wanjilile muli ayo, o amanyine ha molu jo; ni woma unene wejile hali waze apwile nikwatala.

Wano chiyulo akwete cha kuyika lilu, hanga vula kechi kanoka ha matangwa ja uprofeto wo: o chiyulo akwete ha meya cha kwaalumuna manyinga, ni cha kulamba hashi ni lamba lieswe lieka ni lieka, cheswe mazanga.

Wano kanapu mitondo yiali ya olevwe kanda yikwachilo yiali ya ndeya, yize yakumana kumeso ja Mwenya hashi. Nyi kachi umwe mazanga kwalemeka, kachi kahia mukatuhuka mu makanwa jo, mukulesa akwa kole jo; kachi umwe mazanga kwapinjisa, kachi chocho chatamba kumushiha.