Popular Bible Verses from 1 YOANO 4

Share

Woma wakuhi mu zango, niumwe: aiioze zango lingunu mulikatwisa woma, mumu woma lamba ukwete; ni yoze wakwivwa woma kanda achimupwisa mungunu mu zango.

Yenu nuli a kuli Zambi, ana akepe, hinunaakumbu; mumu yoze uli muli yenu iye munene Wahiana yoze uli hano hashi.

Yetu twakuzanga, mumu iye waliangile kutuzanga.

Akwetu a zango, tulizangenu umwe ni mukwo ni mukwo: mumu zango lia kuli Zambi; ni mweswe mukwa kuzanga kanasemewa kuli Zambi, kananyingika Zambi.

Yoze keshi zango, kanyingikine Zambi; mumu Zambi iye zango.

Muno mulili zango, kuchapwile ngwe yetu twazangile Zambi, aiioze iye watuzangile yetu, watumine Mwanenyi kupwa kuka ha milonga yetu.

Akwetu a zango, kachi chocho Zambi watuzangile, kachi yetu nawa chatutamba kulizanga umwe ni mukwo ni, mukwo.

Muno hanasolola zango lia Zambi ha kutwala kuli yetu, te Zambi hanatumu Mwanenyi wa wika hano hashi, hanga tukapwe ni mwono kuli iye.

Kachi umwe mamba ngwenyi, Ngunazange Zambi, hindu mapwa ni kole ni ndumbwenyi, iye mukwa mahuza; mumu yoze keshi kuzanga ndumbwenyi yoze hanamumono, ngwe kuchi mahasa kuzanga Zambi yoze kamumweneko.

Mweswawo matayiza ngwo, Yesu iye mwe Mwana Zambi, Zambi matwama muli iye, iye matwama muli Zambi.

Ni shimbi yino tuli nayo ya kuli iye, ngwo, yoze wakuzanga Zambi, akazange ndumbwenyi nawa.

Akwetu a zango, kanda nufuliela maspiritu eswe, aiioze esekenu maspiritu, kachi mapwa maspiritu a kuli Zambi; mumu aprofeta a kwonga anji haneza hano hashi. Ku chino nunanyingika Spiritu ya Zambi: Spiritu mweswawo matayiza ngwo, Yesu Kristu haneza mu musunya, iye wa kuli Zambi.

Ni Spiritu mweswawo keshi kutayiza ngwo, Yesu Kristu haneza mu musunya, hi wa kuli Zambi ko: iye Spiritu ya mukwa kulimika ni Kristu, yoze nwevwile ngwo, Kumeza; ni haliapwila hwali hano hashi kulu.