Popular Bible Verses from 1 YOANO 3

Share

Anami akepe, kanda tuzanga ni liji, chipwe ni limi; aiioze ni yitanga ni umwenemwene.

Ku chino tunanyingika zango, mumu iye watumbikile mwono wenyi hali yetu: chatutamba yetu kutumbika mwono wetu hali mandumbu.

Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye.

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.

Mweswawo masemewa kuli Zambi keshi kuvulumiona, mumu chisemewa chenyi kuchakutwama muli iye: iye kahashile kuvulumiona, mumu hanasemewa kuli Zambi.

Alioze yoze mapwa ni yikumba ya hano hashi, mamona ndumbwenyi kanahono, makalisa mbunge yenyi kuli iye, ngwe kuchi zango lia Zambi mulitwama muli iye?

Ni waze mafunga shimbi jenyi, matwama muli iye, iye matwama muli ayo; ni ku chino tunanyingika katwama muli yetu, te kuli Spiritu yoze hanatwehe.

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.

Mumu lino lie liji lize nwevwile chize ku uputukilo, ngwetu, Chatutamba kulizanga umwe ni mukwo ni mukwo.

Kanda nukomoka, mandumbu, kachi akwa hashi manuvwila kole.