Popular Bible Verses from 1 Korintus 12

Share

Allah pung Roh kasi berkat rohani yang beda-beda par orang parcaya satu-satu par tolong Antua pung orang-orang samua.

Kamong samua yang parcaya Kristus tu sama deng Kristus pung badang. La kamong satu-satu tu sama deng bagiang yang beda-beda dari badang tu.

Tagal itu, kalo ada satu bagiang yang saki, samua bagiang jua saki lai. La kalo ada satu bagiang yang dapa puji, samua bagiang jua sanang lai.

Par yang satu, Roh kasi berkat rohani par biking dia pung pikirang tajang biar dia bisa kasi nasehat yang pas. Par yang laeng, Roh yang sama tu jua kasi berkat rohani par mangarti Antua pung kata-kata la kasi tau akang par dong. Par yang satu, Roh yang sama tu kasi berkat rohani par biking dia pung parcaya par Yesus kuat paskali, labe dari orang laeng. Par yang laeng, Roh tu jua kasi berkat rohani par kasi bae orang saki. Par yang satu, Roh tu kasi berkat rohani par biking tanda-tanda herang. Par yang laeng, Roh tu kasi berkat rohani par kasi tau pasáng yang Antua kasi tau par dia. La par yang laeng lai, Roh tu kasi berkat rohani par tau kata mana Antua pung Roh deng mana bukang. Par yang satu, Roh tu kasi berkat rohani par bicara deng bahasa-bahasa yang dong sandiri seng mangarti akang, la par yang laeng, Roh tu jua kasi berkat rohani par kasi tau akang pung arti.

Mar yang biking samua tu, itu Roh yang sama deng yang satu tu. Antua kasi berkat rohani yang beda-beda par satu-satu iko Antua pung mau.

Antua biking bagitu biar badang tu seng tapica-pica, mar biar bagiang-bagiang yang beda-beda dari badang tu bisa taru kira satu deng laeng.

Ada berkat rohani yang beda-beda yang katong dapa, mar samua tu asal dari Roh yang sama. La ada saribu satu macang cara par tolong orang-orang parcaya, mar samua tu asal dari Tuhan Yesus yang satu tu. Allah karja dalang manusia samua pung hidop deng saribu satu macang cara, mar Allah yang sama tu jua yang biking samua tu.

Kamong tu jua Allah pung jamaat. Antua su angka babarapa orang dari jamaat par jadi: Partama, Allah pung utusang. Kadua, Allah pung juru bicara. Katiga, guru par kasi balajar Allah pung ajarang. Abis itu, Antua jua kasi berkat rohani par babarapa orang dari jamaat par biking tanda herang, par kasi bae orang saki, par tolong orang laeng, par jadi pamimping, deng par bicara deng bahasa yang dong sandiri seng mangarti.

Katong pung badang ni jua seng taika dari satu bagiang sa, mar dari banya bagiang.

Mar, mala ada bagiang-bagiang dari badang yang katong anggap seng kuat paskali, itu yang katong paleng parlu.

Kalo katong pung badang samua ni jadi mata, katong mau dengar bagemana? La kalo katong pung badang samua ni jadi talingang, katong bisa ciong bobou bagemana? Mar, Allah su ator bae-bae biar bagiang yang beda-beda dari badang tu ada di akang pung tampa satu-satu, iko Antua pung mau. Kalo badang samua cuma dari satu bagiang sa, katong seng bisa bilang itu badang.