Popular Bible Verses from 1 Korintus 11

Share

Waktu dong su abis makang, Antua ambe cawan yang isi anggor la biking apa yang sama waktu Antua ambe roti. Antua bilang kata, “Anggor ni Beta pung dara yang nanti tatumpa par kasi sah janji yang baru yang Allah ika deng manusia. Sabang kali kamong minong anggor ni, kamong musti inga Beta.” Barang, sabang kali kamong makang roti deng minong anggor dalang cawan tu, itu sama sa deng kamong kasi tau Tuhan Yesus pung kamatiang. Deng cara bagitu, kamong kasi tau orang-orang soal Tuhan Yesus tarus sampe Antua bale kombali.

Barang, apa yang beta su ajar par kamong tu, beta tarima akang dari Tuhan sandiri. Itu malang, waktu Tuhan Yesus mau dapa jual, Antua ambe roti la minta dangke dari Allah. Tarus, Antua pata-pata la bage-bage akang par Antua pung murid-murid. Antua bilang par dong kata, “Roti ni Beta pung badang yang Beta kasi par tabus kamong pung dosa. Kamong musti jaga biking ini tarus par inga Beta!”

Tagal itu, satu-satu musti pariksa dia pung diri do, baru makang roti deng minong anggor dari cawan tu. Kalo sapa makang roti deng minong anggor tu mar seng taru hormat par Tuhan Yesus pung badang, Allah nanti hukum dia.

Jadi, sapa sa yang makang Tuhan pung roti deng minong Antua pung anggor deng cara yang seng pantas, dia su bardosa par Tuhan, tagal dia seng taru hormat par Antua pung badang deng Antua pung dara.

Jadi basudara e, iko beta pung cara hidop ni, sama deng beta jua iko Kristus pung cara hidop.