Popular Bible Verses from 1 Yohana 4

Share

Cat byyi ka̱wun ba. A̱tsatsak cat u a̱ trung ka̱wun. A̱yin nu a̱ ri swat i ka̱wun ni a̱ ka̱n shya a̱tsatsak cat u ba. A̱ pfong ka̱wun, rot a̱ hwa ba ni ku nyep.

Ma nyin na̱won nzuk, yi yet ba̱nying Ka̱za, nyin ba bu ka̱n dot ba̱pfong dira ba, rot Tswa ji yi byyi ni byyi cet ra̱u nying ji ba̱nyet ka̱sa ba ba byyi ni.

Zi cat rot Ka̱za a̱ yet ka̱son a̱ za cat.

Ba̱rywai nzuk, zi ya gwai rot yagwai nyyai di Ka̱za. A̱yin nu a̱ gwai ba̱wumbeyang ni a̱ yet ka̱won Ka̱za, a̱ bo bvwo Ka̱za.

A̱yin nu a̱ gwai ba̱nyet i ba a̱ bvwo Ka̱za ba, rot Ka̱za ka yet cat.

Ka̱sak ka zi nin bvwo cat ani: Zi gwai Ka̱za, ma gwai njit a nkpa tyyei cat a ba. Zi ryi cat a i cat a Ka̱za ka za cat i, ka̱ram ka kan tom Ka̱won ka ka bu yya diwat ti ba nin tssu a̱ka̱tukyya njit u ni.

Ba̱rywai nzuk, ka̱ a̱mi Ka̱za kan za cat, ku myim zi ma̱n ya gwai meyang.

Ka̱sak ka Ka̱za kan tyyei cat nka na ni nkpa yet tom a ka tom Ka̱won nka ba̱diyin ni ka ba ka̱sa zi gi shya sucet.

Ka̱ a̱yin a̱ hywa, “N gwai Ka̱za,” wwon a̱ rak ryi a̱wumba nu, a̱yin a̱ywu a̱ bvei dira. Ka̱ maai cat a̱wumba nu nu na̱ wa cyang ni ba, na̱ bu yya ni a̱n cat Ka̱za ka na̱ wi ka̱n dyi na ni?

A̱yin nu a̱ hywa di ka̱nu nu Yesu a̱ yet Ka̱won Ka̱za ni a̱ shyi bu Ka̱za, Ka̱za a̱ ma̱n shyi ba̱ nu.

Nkpa Yesu na̱ za tyyei: a̱yin nu a̱ cat Ka̱za ni, dolet na̱ cat a̱wumba nu.

Ba̱rywai nzuk, yi ryok wrak ka̱ryong a kozan a̱yin nu a̱ hywa da̱ a̱ byyi Tswa Ka̱za ni ba, ma yi ba̱ mai i gi bvwo tswa ji yet nying Ka̱za ni, rot ba̱nyet bvei diraa i diyrek Ka̱za a̱n shyi ba̱gingang a̱ kan cong ka̱yat ka̱sa ka. Ka̱sak ka yi nin bvwo Tswa Ka̱za ji ni kankaa: a̱yin nu a̱ shim di Yesu Kristi a̱ ba ka̱yat rwam a̱neywu ni, a̱ byyi Tswa ji nyyai ka̱rek Ka̱za ni.

Ma a̱yin nu a̱ ton ka̱sak ka Yesu na̱n ba ka̱yat rwam a̱neywu ni a̱ byyi Tswa Ka̱za ba. Taka̱i ntswa na na̱ byyi ni ku nyyai da̱ A̱ra̱ndwan Yesu. Yi yin hok da̱ bai, ma n ya tyyei, a̱ shyi ka̱sa ka nnani.