Popular Bible Verses from 1 Yohana 3

Share

Na̱won nzuk, zi ni tyyei cat njit a bu dika̱nu ba, ba ni ryi cat ka̱ryong a an nkyang a zi yya ni.

Zi ryi kyang a yet gwai ba̱nyet i: Yesu a̱ wrak sso nu a̱ ga za san. Rot a̱mi ku myim zi ma̱n wrak sso njit i gi san ba̱wumbeyang njit ba.

Yi cyang ka̱sak ka A̱tyyi na̱n za cat i! Cat nu na shii ba̱gingang, har ban za yei na̱won nu na, zi bu na̱ yet di ka̱ryong. Ka̱sa ka a̱ za bvwo ba, rot ka bvwo Ka̱za ba.

A̱yin nu a̱ ya bu ka̱son ba̱ a̱ka̱tukyya ni a̱ yet a̱nying a̱gwam a̱ka̱tuk tswa, rot a̱gwam a̱ka̱tuk tswa nu a̱ yya a̱ka̱tukyya nyyai ndoson. Nkpa n byyi Ka̱za kan tom Ka̱won nka ka, ka ga bu ta̱ruk mpfong a̱gwam a̱ka̱tuk tswa na.

A̱yin nu a̱ yet ka̱won Ka̱za ni a̱ ni ya ka̱son ba̱ a̱ka̱tukyya ba, rot zwa Ka̱za ji shyi a nu. Rot Ka̱za nka a̱ yet A̱tyyi nu, a̱ ni maai ya ka̱son a a̱ka̱tukyya ba.

Ka̱ a̱yin a̱ byyi zwa a̱ ryi a̱wumba na̱ sswa ka̱bvung i dizot na̱ rak ku brang, a̱ ni yya ni a̱n hywa da̱ gwai Ka̱za?

A̱yin nu a̱ pfong truwang Ka̱za ni a̱ shyi bu Ka̱za, Ka̱za a̱ ma̱n shyi ba̱ nu. Tswa ji Ka̱za ka za ryi ni nji za tyyei ka̱sak ka Ka̱za kan shyi ba̱ njit i.

Yi cyang ka̱sak ka na̱won Ka̱za na nan bvwon bu na̱nying Ka̱ta̱nyrang a ni. A̱yin nu a̱ yya kyang a yet i ba, ko na̱ cat a̱wumba nu ni ba, a̱ yet ka̱won Ka̱za ba.

Ba̱ryat ba yi hok nyyai ndoson ni mba yet: zi ya gwai.

Rot a̱mi, ba̱wumbeyang nzuk, yi ryok yya ka̱hat ba, ki ka̱sa kani a̱ rak ya ryi.